Foto: A.Baıjumanov
S.Aldashevtiń aıtýynsha komıtet dóńgelek ústelge daıyndyq sheńberinde 10 jumys otyrysyn ótkizgen, birqatar problemalyq másele anyqtalǵan, osy kezdesýde olardy sheshýdiń naqty joldary, onyń ishinde qoldanystaǵy zańnamaǵa tıisti ózgerister engizý de egjeı-tegjeıli talqylanbaq.
Senator Shákárim Buqtyǵutov óz kezeginde ártaraptandyrylǵan ekonomıka qurý máselesine toqtaldy. Ol 2021 jyly «О́nerkásiptik saıasat týraly» zań aıasynda tehnologııalyq saıasatty qalyptastyrýǵa baǵyttalǵan birqatar zańnamalyq norma qabyldanǵanyn atap ótti. Alaıda senatordyń pikirinshe, olardy iske asyrý ınnovasııany damytýda aıtarlyqtaı nátıje bergen joq.
«Áli kúnge deıin ınnovasııa uǵymy men onyń quramdas bólikteri týraly túsinik az. Innovasııany qalaı damytý kerektigi týraly ónerkásipte de, ýnıversıtette de, memlekettik sektorda da naqty túsinik joq. Iske asyp jatqan ınnovasııalyq jobalardyń óndiristik kásiporyndar men ekonomıkanyń naqty sektorynyń qajettiliginen alshaqtyǵy ınnovasııalyq júıeni qalyptastyrý jolyndaǵy eleýli kedergi bolyp otyr», dedi senator.
Dóńgelek ústel barysynda sıfrlyq damý, ınnovasııalar jáne aeroǵarysh ónerkásibi, ǵylym jáne joǵary bilim, energetıka mınıstrlikteriniń, «Samǵaý» ǵylymı-tehnologııalyq bastamalar ortalyǵy» qorynyń jáne «Innovasııalyq tehnologııalar parki» qorynyń ókilderi de baıandama jasady.
