Eki aıǵa jýyq elimizdiń barlyq aımaǵynda irikteý syny ótip, úzdik shyqqan talapkerler Astanada ótken qorytyndy baıqaýǵa joldama alǵan edi. Keshe Mádenıet jáne aqparat mınıstrliginiń qoldaýymen Ulttyq akademııalyq kitaphanada rýhanı is-shara óz máresine jetti. Baıqaýǵa «Adal as» óndiristik kompanııasy demeýshilik jasady.
Ulttyq akademııalyq kitaphana men «Adal as» óndiristik kompanııasynyń uıymdastyrýymen elimizdiń barlyq aýmaǵyn qamtyǵan rýhanı is-shara bıyl ekinshi ret ótti. Baıqaýǵa elimizdiń barlyq aýmaǵynan 2000-nan asa úmitker qatysyp, erekshe belsendilik tanytty. Keshe top jarǵan 18 jas shákárimtanýshylar Astanaǵa jınalyp, aqtyq synǵa qatysty. Byltyr bastalyp, dástúrge aınalǵan «Shákárim oqýlarynyń» maqsaty Shákárim shyǵarmalaryn nasıhattaý, onyń tereń fılosofııalyq eńbekterin jas urpaqtyń túsinip, oı túıýine múmkindik berý bolatyn. Biz bıyl da bul údeden shyqtyq dep oılaımyz, óıtkeni oqýshylardyń Shákárim shyǵarmashylyǵyn tanýǵa degen izdenisteri súısintti, deıdi Ulttyq akademııalyq kitaphana dırektory Ǵazıza Qudaıbergenqyzy.
Respýblıkalyq baıqaýǵa 17 oblystan 19 kitaphana jumylyp, birinshi kezeń qatysýshylaryna irikteý jasaǵan eken. Al aqtyq synǵa 5-8 synyptarda oqıtyn 18 jasóspirim kelip, ózara baq synasty. Qortyndy baıqaýǵa aqyn, fılologııa ǵylymdarynyń kandıdaty, professor Janat Áskerbekqyzy, «Shákárim oqýlary» II respýblıkalyq baıqaýynyń ótýine qoldaý bildirip, demeýshilik kórsetken kásipker, mesanat Ermek Mezibaev, abaıtanýshy, Abaı akademııasy ǵylymı-zertteý ınstıtýtynyń dırektory Jandos Áýbákir, aqyn, «Daryn» jastar syılyǵynyń laýrety Qalqaman Sarın, jáne Ulttyq akademııalyq kitaphana dırektory Ǵazıza Qudaıbergenqyzy ádil qazylyq etti.
Baıqaý qorytyndysy boıynsha bas júlde Astana qalasynyń 5 synyp oqýshysy Qılymbekuly Edigege buıyrdy. Al 1 oryndy Taraz qalasynyń 7 synyp oqýshysy Ádilahmet Ádııa, 2 oryndy Batys Qazaqstan oblysynan kelgen, 8 synyp oqýshysy Islıamqyzy Káýsar, 3 oryndy Abaı oblysynan 5 synyp oqýshysy Álibek Aıarý jeńip aldy. Jeńimpazdarǵa jáne ózge qatysýshylarǵa demeýshiler esebinen baǵaly syılyqtar berilse, jetekshileri arnaıy alǵys hattarmen marapattaldy.
