Aıta keteıik, Almatyda 7 myńnan astam «Sergek» kamerasy jumys isteıdi. Jaqynda jańalarymen tolyqtyrylyp, ózgerister engizildi. Endi «Sergek» kamerasy adamnyń kózinen de qyraǵy bolyp, kóliktegi eń usaq bólshekterdi de túsire alady.
Almaty polısııa departamentiniń habarlaýynsha, 2023 jyly «Sergek» apparattyq-baǵdarlamalyq júıelerimen jalpy somasy 12 mıllıard 878 mıllıon 922 myń teńgeni quraıtyn 1 847 765 quqyq buzýshylyq tirkelgen.
Almaty polısııasy kóshedegi «Sergek» kameralarynan kelesi buzýshylyq túrleri tirkelip jatqanyn habarlady:
- jyldamdyqty shekten asyrý;
- tutas syzyqty kesip ótý;
- qosarlanǵan tutas syzyqty kesip, keri burylý;
- tyıym salynǵan jerde turaq/toqtaý;
- baǵdarshamnyń tyıym salynǵan túsine ótý.
Sonymen qatar pılottyq joba aıasynda qaýipsizdik beldikteriniń taǵylmaýy jáne jaıaý júrginshiler ótkelinde jaıaý júrginshilerge jol bermeý faktileri tirkeledi.
Sondaı-aq jaqynda Almatyda «Sergek» baǵdarshamnyń sary túsine ótip ketkenderdi tirkeýi múmkin. Naýryz aıynyń basynan beri mundaı buzýshylyq túri Astanada túsirile bastady.
Aıdyń sońyna deıin «Sergek» beınebaqylaý kameralary Almaty baraholkasynyń mańyndaǵy jolǵa ornatylady.
Qyrmyzy JUMAǴALIQYZY,
EUÝ stýdenti
