Keshe áýejaı aılaǵy sýǵa tolyp, ushaqtardyń reısi toqtatylyp, sý sorǵylaý jumystary júrgizilse de, jan-jaqtan aǵylǵan qyzyl sý des bermedi. TJD qyzmetkerleri áýejaı aılaǵyndaǵy sý baǵytyn Sazdy ózenine qaraı burý úshin qala ishindegi avtokólik jolynyń ýchaskesin jardy. Tún ishinde áýejaıdan kelgen sýmen Sazdy ózeni tolyp, qalanyń qaq ortasymen aǵatyn Kishi Sazdyǵa qaraı aǵa bastady. Muz seńderi jaǵalaýǵa shyǵyp, sý M.Mámetova kóshesine jaıyldy. Qazirgi ýaqytta aǵyn sý baǵytyn burý jáne bógeý, jınalǵan sýlardy shyǵarý, ınerttik materıaldar tóseý jumystary jalǵasyp jatyr. ÁQK Áskerı ınstıtýtynyń jeke quramy men kýrsanttary TJD mamandaryna qol ushyn sozdy.
Sondaı-aq búgin túste Qobda aýdanynyń ortalyǵy Qobda eldi mekenine de qarǵyn sý kirip, birneshe úı sý astynda qaldy. Bıyl da Qobdada byltyrǵy jaǵdaı qaıtalanyp otyr.
Aqtóbe oblystyq IID baspasóz qyzmeti Samara-Shymkent avtojolynyń Batys Qazaqstan oblysy aýmaǵyndaǵy bóligin sý shaıýyna baılanysty Alǵa aýdany Marjanbulaq aýylynan BQO shekarasyna deıingi jol jabylǵanyn habarlady.
Qobda aýdanynda jergilikti jaǵdaıdaǵy tótenshe jaǵdaı jarııalandy.
