Foto: Qorǵanys mınıstrliginiń baspasóz qyzmeti
Qorǵanys vedomstvosynyń baspasóz qyzmeti málim etkendeı, 29 naýryzdaǵy evakýasııalyq is-sharalar kezinde maıor Jánibek Bekbaýlıevtiń basqarýyndaǵy Mı-8 tikushaǵynyń ekıpajy Bersıev aýylynyń shetindegi qıyn jaǵdaı týraly rasııa boıynsha habarlama alǵan.
Tasqyn kesirinen eldi mekennen ketý múmkindiginen aıyrylǵan adamdar sol ýaqytta – sýǵa batqan sharýashylyq qurylysynyń tóbesinde edi, olarǵa shuǵyl evakýasııa qajet bolǵan.
Ekıpaj zardap shekkender turǵan jerge jedel jetken. Tikushaq sharýashylyq qurylysynyń tóbesinen bir metr qashyqtyqta kómek kútken adamdardy qabyldap, Aqtóbe qalasynyń áýejaıyna evakýasııalady.
Janarmaı quıǵan soń tikushaqtar TJM qyzmetkerlerimen jáne júzý quraldarymen Bersıev aýylyndaǵy mekteptegi turǵyndarǵa kómekke ushyp ketti. Evakýasııalyq jumystar túngi ýaqytta da júrip jatyr.
Mınıstrlik habarlamasynda: «Áskerı ushqyshtar qutqarýshylarmen jáne jergilikti atqarýshy organdardyń ókilderimen birlesip, apat aımaǵynda qalǵan adamdardy qutqaryp jatqanyna úsh kún boldy», delingen.
