Igi bastamalar jarshysy

Olaı deıtinimiz, Memleket basshysy Qasym-Jomart Toqaevtyń ult taǵdyryna qatysty keleli máselelerdi uly dalanyń kıeli mekenderine baryp kóterýinde bolyp tur. Prezıdent el tizginin qolyna alǵannan keıin ótkizgen Ulttyq quryltaıdyń alǵashqy otyrysy Ulytaý tórinde uly tulǵalardy dáripteýden bastalsa, qasıetti Túrkistanda ótken jıyn­da tól tarıhymyz ben rýhanı qundylyqtarymyz keńinen tarazylandy. Al Ulttyq quryltaıdyń kıeli meken Jaıyqtyń jaǵasynda ótken kezekti otyrysynda elimizdiń jarqyn bolashaǵyna jol ashatyn bas­tamalar talqyǵa tústi.

Quryltaıda Memleket basshysy: «Ult sapasyn jaqsartamyz desek, bir el bolyp jańa qundylyqtar júıesin qalyptastyrýymyz qajet. Aǵa býyn jas urpaqqa jol nusqap, baǵyt-baǵdar berýi kerek. Elimizde kózi ashyq, kókiregi oıaý, oıy ushqyr, bilimdi jastar kóp. Biz olardyń boıyna asyl qasıetterdi sińirýimiz qajet. Biz bolashaqqa senimmen basý úshin Uly daladaǵy kóshpendi­ler órkenıetiniń tikeleı murageri retinde mádenı muralarymyz­dy saqtap, ulttyq biregeıligimizdi nyǵaıtýymyz qajet», degen bolatyn.

Memleket basshysy aıtyp otyr­ǵan kózi ashyq, kókiregi oıaý, oıy ushqyr, bilimdi jastar elimiz­diń jo­ǵary oqý oryndarynda bilim alyp, tárbıelenip keledi. Joǵary oqý oryndary – jastardy úlken ómirge daıyndaıtyn ómir mektebi. Osy turǵyda Ǵylym jáne joǵary bilim mınıstri Saıasat Nurbektiń tike­leı jetekshiligi­men otandyq JOO rektorlary­nyń, prorektorlarynyń turaq­ty basqosýy ótedi. Basqosýlarda óskeleń jastar sapynan elimizdiń jarqyn bolashaǵyna qyzmet etetin jasampaz tulǵalardy tárbıelep shyǵarý máseleleri talqyǵa túsedi. Mınıstrlik tarapynan bekitilgen joǵary oqý oryndaryndaǵy óskeleń jastardy órkenıetke jeteleý­diń 2029 jylǵa deıingi strategııa­lyq tujyrymdamasy joǵary oqý oryndarynyń jumys tájirıbesinde júzege asyp keledi.

Prezıdenttiń áz Naýryzdyń mártebesin kóterip, mazmunyn baıytý týraly ustanymyna oraı mınıstrlik otandyq joǵary oqý oryndarynda Ulystyń uly kúni merekesin toılaýdyń onkúndigin joǵary deńgeıde ótkizýdi qolǵa aldy. Kórisý kúninen bastaý alǵan rýhanı tanymy tereń ulttyq mereke­miz Qaıyrymdylyq, Mádenıet jáne ulttyq salt-dástúr, Shańyraq, Ult­tyq kıim kııý, Jańarý, Ult­tyq sport, Yntymaq kúnderimen astasyp, professor-oqytýshy­lar quramy men bilim alýshylar­dyń rýhanı turǵyda kemeldenýine zor yqpal etti. Bul bastamany shyn yqylaspen qabyldaǵan Jumabek Táshenov ýnıversıtetiniń qyzmetkerleri men bilim alýshy jastary ulttyq rýhymyzdyń oıanýyna óz úlesin qosyp keledi. Ýnı­versıtetimizdiń basty ustanymy – jastardyń ǵylymǵa, sportqa, ónerge qyzyǵýshylyǵyn arttyrý arqyly olardyń tulǵalyq qabiletin jan-jaqty damytý, strategııalyq sheshimder qabyldaýǵa baýlý.

Ǵalymjan BITURSYN,

J.Táshenov ýnıversıtetiniń prorektory