«Dál qazir sý basqan aımaqtardaǵy adamdarǵa kómek óte qajet. Adamdar úılerinde qalǵan kóptegen aýyldarǵa tek tikushaqtar nemese qaıyqtar arqyly jetýge bolady. Qutqarýshylar adamdardy evakýasııalaýdy jalǵastyryp, qalpyna keltirý jumystary júrgizilip jatyr.
Bizdiń qor ashyq jumys istep, qarajattyń jumsalýy boıynsha barlyq qujatty usynatynyn kórgen Kaspi.kz bizben yntymaqtasýǵa sheshim qabyldady jáne jedel túrde kómek jınaýdy uıymdastyrdy. Qazaqstan azamattary az ǵana kúnniń ishinde zardap shekkenderge 80 mıllıon teńgeden astam aqsha jınady. Al Kaspi.kz-tiń óz tarapynan taǵy 120 mıllıon teńge qosý týraly sheshim qabyldaýy biz úshin kútpegen jaǵdaı boldy. Osyndaı qoldaýy úshin Kaspi basshylyǵyna alǵysymyz sheksiz, endi bizdi volonterlermen birge aýqymdy jumys kútip tur. Zardap shekkender men qutqarýshylarǵa kómekteskenderdiń barlyǵyna rahmet», dedi «Biz Birgemiz Qazaqstan» QQ tóraıymy Perızat Qaırat.
«Biz zardap shekkendermen birgemiz jáne sý tasqynynyń zardaptary jaqyn arada joıylyp, adamdar óz úılerine oralady dep úmittenemiz. Qarjy jınaýǵa úles qosqan súıikti klıenetterimizdiń árqaısysyna alǵys aıtamyz. Kaspi.kz – áleýmettik jaýapkershiligi bar kompanııa jáne biz árqashan qıyn jaǵdaıda súıikti klıentterimizge qoldaý kórsetýge tyrysamyz. Biz óz tarapymyzdan zardap shekkenderge kómek kórsetý úshin qosymsha 120 mıllıon teńge bólip, jınalǵan somany 200 mıllıonǵa deıin jetkizemiz», dedi Mıhaıl Lomtadze, Kaspi.kz negizin qalaýshylardyń biri jáne basshysy.
Qarajat Aqtóbe jáne Qostanaı oblystarynda jol jóndeý, qutqarý tikushaqtarynyń jumysyn qamtamasyz etý, generatorlar, sorǵylar, úrlemeli qaıyqtar jáne dári-dármek satyp alý úshin «Biz Birgemiz Qazaqstan» qoǵamdyq qoryna jiberiledi.
Kómek jınaý jalǵasyp jatyr. Kaspi.kz mobıldi qosymshasynyń «Qaıyrymdylyq» bóliminde kez - kelgen adam zardap shekkenderge kómek retinde «Biz Birgemiz Qazaqstan» qoryna qarajat aýdara alady.
Kaspi.kz súıikti klıentteri men seriktesterine kómektesip, qıyndyqqa tap bolǵan jandarǵa nesıe tólemin keıinge qaldyrýdy usynady.
Buǵan deıin Tótenshe jaǵdaılar mınıstrligi Aqtóbe, Qostanaı, Batys Qazaqstan, Aqmola, Atyraý, Qaraǵandy, Soltústik Qazaqstan, Túrkistan, Almaty, Pavlodar, Ulytaý jáne Abaı oblystarynda 12 myńnan astam adam evakýasııalanǵanyn habarlaǵan. Atalǵan óńirlerdiń turǵyndary ýaqytsha ornalastyrý ortalyqtaryna jetkizildi.
