Valıýtalyq ıntervensııa júrgizilmedi

Ulttyq qordan respýblıkalyq bıýdjetke transfertterdi qamta­ma­syz etý úshin naýryzda 748 mln dollarǵa valıýta satyldy. Ulttyq qordan satý úlesi jalpy saýda-sattyq kóleminiń 19%-yn jáne kúnine 44 mln dollardan aspaıtyn mólsherdi qurady.

Ulttyq bank Ulttyq qordyń qarajatymen operasııa júrgizý kezinde naryqtyń beıtarap qaǵıda­tyn saqtaıdy. Bul shetel valıýtasyn udaıy jáne birkelki satýdy bildiredi. Bul tájirıbe Ulttyq qordaǵy operasııalardyń valıýta naryǵyna áserin barynsha azaıtýǵa múmkindik beredi. Ulttyq bank naýryzda BJZQ zeınetaqy aktıvteriniń valıýtalyq úlesin 30% deńgeıinde ustap turý maqsatynda bırjadaǵy saýda-sattyqta shetel valıýtasyn satyp alýdy jalǵastyrdy. Onyń jalpy somasy 500 mln dollardy nemese naryqtyń jalpy kóleminiń shamamen 13%-yn qurady», delingen Ulttyq bank habarlamasynda.

Sondaı-aq UB naýryzda valıý­talyq ıntervensııalar júr­gizgen joq dep málimdeıdi. Respýblıkalyq bıýdjetke transfertter bólýge Úkimettiń aldyn ala boljamdy ótinimderi boıynsha 2024 jylǵy sáýirde UB Ulttyq qordan 1 mlrd dollardan 1,1 mlrd dollarǵa deıingi mól­sher­de valıýta satylýyn kútedi. 2024 jylǵy sáýirde BJZQ zeı­netaqy aktıvteriniń valıý­ta­lyq úlesin ustap turý úshin 450 mln dollardan 500 mln dollarǵa deıingi mólsherde valıýta satyp alý kútiledi.

«Ulttyq bank ashyqtyq qaǵı­daty aıasynda valıýta naryǵyn­da júrgiziletin barlyq operasııa týraly aqparatty tolyq ashyp kórsetedi. Qysqamerzimdi perspektıvada teńgeniń dınamıkasy naryqqa qatysýshylardyń kútýlerine, toqsandyq salyq tólemderine, álemdik naryq­tar­daǵy ahýalǵa jáne geosaıası jaǵdaıdyń ózgerýine baılanysty bolady. Ulttyq bank teńgerimsizdiktiń jınaqtalýyn boldyrmaıtyn jáne altyn-valıýta rezervteriniń saqtalýyn qam­tamasyz etetin ıkemdi baǵam bel­gileý rejimin ustana beredi», delingen málimdemede.