Máselen, kórshim ekeýmiz qaraqattyń birdeı surybyn birdeı topyraqqa, bir mezgilde qatar ekkenbiz. Eń qyzyǵy, onyń qaraqaty qalyń jemis berdi de, bizdiki jarytpady. Sebebi kórshilerimiz qaraqat gúldegen kezde jaqsy tozańdaný úshin kóshetterge bal aralasqan sý seýip qoıypty. Qalǵan jumysty balǵa úımelegen aralar atqarǵan. Sol sııaqty baý-baqshanyń basqa da qupııalary men «qıturqylyqtary» kóp.
Mysaly, birimen-biri basy pispeıtin, birine-biri kún kórsetpeıtin kóshetter bar. Sol sııaqty kókónister de kórshi tańdaıdy. Naqtylaı tússek, tájirıbeli dıqandar júgeri, burshaq, asqabaq úsheýiniń tamasha trıo ekenin jaqsy biledi. Bul úsheýiniń dos ekenin úndister de bilgen. Júgeri burshaqqa súıenip ósse, asqabaq olardy azotpen baıytyp, aram shópterdi jolatpaıdy.
Máselen, pııaz ben sábizdi qatar otyrǵyzsa, pııaz ısimen sábizge zııankesterdi jaqyndatpaıtyn, ınsektısıdtik, fýngısıdtik qasıetterge ıe allısın zatyn bólip turady.
Al qyzanaq pen raıhan salatta ǵana emes, baqshada da úılesim tabady. О́ıtkeni ekeýine de birdeı topyraq qajet, birdeı sýaryp otyrýǵa bolady. Odan da bólek, qyzanaq kemiretin qurttar raıhannyń ısin jaqtyrmaıtyndyqtan, jolaı qoımaıdy. Naǵyz baǵbandar raıhanmen qatar ósken qyzanaqtardyń dámi de, ısi de jaqsy bolatynyn burynnan biledi.
Aıtqandaı, jasyl burshaq, tátti burysh pen baıaldy tuqymdas bolǵandyqtan, kútimderi birdeı, qatar otyrǵyzýǵa bolady, burshaqtyń baıaldyny Kolorado qońyzynan qorǵaı alatyn qasıeti bar.
ALMATY
