Foto: Astana ákimdigi
Rýslan Ahmetov jarystan alǵan áserin bólisip, jattyqtyrýshysyna alǵys bildirdi.
«Qarysylastar óte myqty boldy. Jarysta birneshe eldiń sportshylarymen synǵa tústim. Jetistikke jetýime sebepker bolǵan jattyqtyrýshyma alǵys bildiremin. Ol maǵan úlken úmit artatynyn aıtyp, alǵa qaraı órleýime dem beredi. Bul álem chempıonatyna bapkerim ekeýmiz 6 aı kóleminde daıyndaldyq. Sonyń nátıjesinde ekinshi oryn aldym. О́te qýanyshtymyn. Aldaǵy ýaqytta taǵy shyńdalyp, el namysyn abyroımen qorǵaımyz dep oılaımyn. Bul – tek bastamasy», dedi álem chempıonatynyń kúmis júldegeri.
Sýrdo taekvondo – jazǵy Sýrdolımpıadalyq sport túrleriniń biri. Estý múmkindigi shekteýli jandarǵa arnalǵan taekvondo jarystary Halyqaralyq taekvondo federasııasynyń erejelerine sáıkes ótkiziledi. Jazǵy nemese qysqy Sýrdolımpıada oıyndary men Álem chempıonattaryna, aımaqtyq chempıonattarǵa jáne federasııa maquldaǵan basqa da jarystarǵa tek estý múmkindigi shekteýli jáne nashar estıtin sportshylar qatysa alady.
Aıta ketsek, baıraqty básekege álemniń 20 elinen 190-nan astam sportshy qatysty. Al Qazaqstan sapynan 22 sportshy baq synady.
