Qıyn-qystaý kezderde ortaq baıraq astyna birigip, eldikti uran etken qazaq batyrlarynyń erligin búgingi kúni mańǵystaýlyq azamattar qaıtalap otyr. Atyraý oblysy Jylyoı aýdanynan Qulsarydaǵy sý tasqyny kezinde kóshirilgen turǵyndardyń bir legi Beıneý aýdanyndaǵy evakýasııalyq pýnktterge ornalasty. О́ńirdegi sport sańlaqtary birigip, qómek qajet etken jandarǵa barynsha demeý kórsetip jatyr.
Atap aıtqanda, Beıneý aýdandyq aralas jekpe-jek bapkerleri men sportshylary sport zaldaryna kóship kelip jatqan turǵyndardy ornalastyrǵan. Al, Beıneý aýdandyq sport mekemeleriniń sport zaldarynda qajetti 100-200 tósek oryn daıyndalyp, sportshylar túgeldeı jumyldyryldy. Jáne Jańaózen qalalyq balalar jáne jasóspirimder sport mektepteriniń ujymy men jattyqtyrýshylary sport zaldarǵa kereýetterdi daıyndap adamdardy ornalastyrýǵa jaǵdaı jasap qoıdy.
Sonymen qatar, Mańǵystaý oblysynyń dene shynyqtyrý jáne sport basqarmasyna qarasty sport mekemeleriniń avtobýstary jáne sportshylary jáne mamandar jeke kólikterimen turǵyndardy kóshirýge atsalysyp jatyr.
Mańǵystaýdan ketip jatqan fýro-kamazdarǵa, kólikterge Aqtaýdan, Munaılydan, Mańǵystaý aýdanynan gýmanıtarlyq kómekke qajetti qapshyqtardy orap, júk kólikterine tıeýge bapkerlermen qatar jas sportshylar da óz kómekterin kórsetip jatyr.
Birqatar sportshylar Aqtaý qalasyndaǵy evakýasııalyq pýnkttegi 17 shaǵynaýdanynda ornalasqan jataqhana janynnan qurylǵan aǵash úıdi tigýge, ornalastyrýǵa kómektesip júr. Sport mamandary evakýasııalyq pýnktterdi azyq-túlik pen qajetti gýmanıtarlyq kómekpen qamtamasyz etip otyr.
Aıta ketý kerek, sportshylar men jáne sport federasııalary atynan sý apatynan evakýasııalanǵan azamattarǵa qarjylaı kómek kórsetilip jatyr. Osyǵan deıin, mańǵystaýlyq sportshylar elimizdiń Batys aımaǵyndaǵy sý basqan óńirlerge gýmanıtarlyq kómekti fýralarǵa tıep jibergen bolatyn.
