“ǴAJAIYP ÚNDISTAN”, №1

1992 jylǵy alǵashqy sanynan bastap, óz oqyrmandarynyń súıikti basylymyna aınalǵan (alǵash gazet, keıinnen jýrnal bolyp shyqqan) “Ǵajaıyp Úndistan” jýrnalynyń kezekti sany jaryq kórdi. Jýrnaldyń jańa sany “Uly Jeńiske – 65 jyl” aıdarymen beril­gen “Sartaı aqynnyń maı­dan­nan joldaǵan tolǵaý-haty” erlik dastanymen ashylǵan. Bul sanda “Eltaný endigi” aıdarymen aıqara betke Qazaqstan Respýblı­kasynyń Ánurany jáne Úndistan Respýblıkasynyń ánurany ja­rııa­lanǵan. Jýrnal betterinen “Dostyqta joq shekara” aıdary­men usynylǵan Úndistannyń Qazaq­standaǵy elshisi Ashok Sad­janhardyń “Úndistan men Qazaq­stan dostyq qarym-qaty­nas­tarynyń jańa serpini” atty bar­sha qazaqstandyqtarǵa joldaýyn, “Úndi-aqparat” aıdarymen beril­gen “Qazaqstandaǵy Tagor músini”, “Úndi án-bıiniń Gala-konserti”, “Kalpana” – úndi kartınalary­nyń kórmesi”, “Úndistannyń úzdik taýarlary” – Almatyda” atty toptama materıaldardy oqı alasyzdar. “Ǵajaıyp Úndistan” jýrnaly­nyń dástúrli “Úndi kınosy” qosymshasynan (jýrnal ishindegi jýrnaldan) onyń osy sandaǵy basty keıipkeri Aıshvarııa týraly “Aıshvarııa Raı Gollıvýdty tabyndyrǵan úndi arýy” atty aıshyqty bólimdi, “Meniń atym – Han”, “Shahrýh Han: “Meni áýe­let­ken – áriptesterim”, juldyzdy shaǵynda qapyda dúnıeden ozǵan aıaýly aktrısa Smıta Patıl týraly “Shynaıylyqtyń shyńy” atty materıaldardy oqýǵa bolady. Sondaı-aq, oqyrmandardy Úndistan Respýblıkasy kúnine oraı jarııalanǵan “Ańsatqan araıly azattyq” atty tarıhı ocherk, “Naýryz! Holı!..” aıdary­men berilgen (bul ataý jýrnaldyń dástúrli aıdary bolmaq) A.Shy­myrbaıulynyń “Rýhy ortaq qos meıram”, Almaty qalasyndaǵy M.Gan­­dı atyndaǵy №92 mektep-lı­seıi­niń qazaq tili men ádebıeti­niń muǵalimi A.Jýasbaevanyń “Júrektiń kózi ashylsa...” – Abaı, Shákárim, Mahatma Gandı oı-ilimderiniń sabaqtastyǵy haqynda” atty zertteý maqalasy, “Bulan men Qyrǵaýyl” (Shyǵys ertegisi) atty ańyz-dastan beıjaı qaldyrmasy anyq. Jýrnaldyń turaqty oqyrman­darynyń esine: “Ǵajaıyp Ún­di­stan” jýrnalynyń 2007-2010 jyl­dary jaryq kórgen 1, 2, 3, 4 (22 – 25) sandaryn aldyrý úshin myna meken-jaıǵa habarlasý kerek: ınd.: 485000, Almaty qala­sy, Bas poshta, №417 abonement jáshigi. e-mail: gazhab_hindustan@mail.ru Tel.: 398-54-37.