Foto: Elena Berejnaıa
Oblystyq PD baspasóz qyzmeti usynǵan málimetke sáıkes, er adamnyń joǵalǵany týraly 102 arnasyna habarlanǵan.
«Jylyoı aýdany polısııa bólimine 49 jastaǵy er adamnyń Qaraǵaı aýylynan Qulsary qalasyna qaıyqpen shyǵyp, bir kúnnen beri habar-osharsyz ketkeni týraly aqparat túsken. Polısııa qyzmetkerleri jedel izdestirý is-sharasyn júrgizý barysynda áýe dronyn paıdalandy. Búgin, 11 sáýir kúni saǵat 11:00 shamasynda Qaraǵaı eldi mekeninen 10 shaqyrym qashyqtyqta sý tasqynynan paıda bolǵan araldan 49 jastaǵy er adam tabyldy. Qazir onyń jaǵdaıy birqalypty, týysqandarymen qaýyshty», dep habarlady departamenttiń baspasóz qyzmeti.
