Foto: tafsilar.info
Meteorologtardyń málimetinshe, aldaǵy úsh kúnde respýblıka aýmaǵynyń basym bóligi atmosferalyq frontaldy bólikterdiń yqpalynda bolady.
Osyǵan baılanysty jańbyr jaýady, túnde respýblıkanyń soltústiginde, shyǵysynda jáne ortalyǵynda jaýyn-shashyn (jańbyr, qar) bolady, 16 sáýir kúndiz elimizdiń ońtústiginde, ońtústik-shyǵysynda nóser jańbyr jaýady. Tek respýblıkanyń ońtústik-batysynda kún ashyq bolyp, jaýyn-shashynsyz aýa raıy saqtalady.
Respýblıkanyń keı óńirlerinde ekpindi jel soǵyp, túnde jáne tańerteń tuman túsedi, kúndiz naızaǵaı oınaıdy.
«Aldaǵy 3 kúnde termometrde temperatýra turaqty bolmaıdy. Batys, ońtústik aımaqta kúndiz 22-30 gradýsqa deıin, soltústikte, ońtústik-shyǵysta, ortalyqta 15-25 gradýsqa deıin kún jylıdy. Tek eldiń shyǵysynda túnde jáne kúndiz aýa temperatýrasy turaqty bolmaıdy», delingen habarlamada.
