Jazý úshin kúsh-jiger kerek

Álemde talaı qyzyq bar degen osy emes pe? Áıtpese qal­ǵyp-múlgip otyr­ǵan adam­­nyń mıyna oqý kire me deýińiz múm­kin.

Iá, atalǵan qyzyqty ádistiń túpki ári janama maǵynasy – ózińdi otyrǵyzý. Iаǵnı sol iske ýaqytyńdy arnaý, jan-tá­nińmen, sanańmen berilý, eńbek etý, qajyr-qaıratyńdy jumsaý. О́mirde bir anyq ereje bolsa, ol – bári eńbekpen keledi. Kez kelgen iske baryńdy salmasań, úl­ken nátıjege jetý qıyn. Desek te kúndiz-túni jazýmen otyryp, tom-tom eń­bek qaldyrsa da bir de bir marapat, ata­ǵy joq eleýsiz tulǵalar bar. Ádilet­siz­dik degen de ómirdiń bir anyq erejesi bo­lyp turǵany ǵoı. Bul endi bólek áń­gime.

Jalpy, shyǵarmashylyq adamdaryna jalqaýlyq ortaq. Qanshama ta­lantty jandar jazý ústeline kóp otyr­maǵandyǵynyń kesirinen keń saryndy dúnıeler jaza almaı ketti. Qazaq áde­bıetinde de mysaly jeterlik. Qara­paıym ózimizde de ma­qala jazýǵa eri­netin, bastaǵan dúnıeni aıaǵyna jetkenshe sozyp, kompıýterge júz oty­ryp, júz turatyn kezder bolady. Osyndaıda shashyn baılap qoıyp, jazý ústelinen tyrp etip tura almaıtyn álgi ádis­tiń ıgiligin eriksiz moıyndaısyń. Osy oraıd­a bir ǵalymnyń: «Jazý úshin jambas kerek» degeni esime túsip otyr.