Úsh boksshymyz úzdikter qatarynda

Atap aıtsaq, jartylaı aýyr sal­maqtaǵy sańlaqtardyń reıtınginde Nurbek Oral­baı ekinshi oryndy ıelengen. 23 jas­taǵy astanalyq bylǵary qolǵap sheberi 2018 jyly Býdapeshtte ótken jastar arasyndaǵy álem birin­shiliginde bas júldeni oljalap, kópshi­liktiń na­zaryna ilikti. Eresekter dýyna qo­­sylǵannan keıin de Nurbek bıik beles­terdi baǵyndyrdy. 2022 jyly ol Ammanda uıymdastyrylǵan Azııa bi­rin­shiliginde kúmispen kúptelse, byltyr Tashkentte álem chempıony atandy. Sonymen qatar bıyl Oralbaı Parıj Olımpıadasynda óner kórsetedi.

Osydan bes jyl buryn Ekaterın­býrgtegi dúnıejúzilik dodada daralanyp, altyn tuǵyrǵa kóterilgen Bekzat Nurdáýletov segizinshi satyǵa jaıǵasty. Ulttyq qurama sapyndaǵy óz ornyn Nurbek Oralbaıǵa bosatqan 25 jas­­taǵy Jańaózenniń týmasy bul kún­deri kásipqoı rıngte baq synap júr. Ázirge aıaq alysy jaman emes. Kúni bú­gingi deıin alty jekpe-jek ótkizip, barlyǵynda jeńis tuǵyrynan kórindi.

Úzdikter tiziminde Toqtarbek Tańat­qan altynshy orynǵa taban tiredi. Qytaı eliniń atynan óner kórsetip júr­gen 27 jastaǵy qandasymyzdyń da ba­ǵyndyrǵan belesi bir tóbe. Ol – Azııa oıyndarynyń jeńimpazy, álem chempıonatynyń kúmis júldegeri. Toq­tarbek 2021 jyly Tokıoda alaýy tutanǵan Olımpıadaǵa da qatysty. Biraq bul jarysta qandasymyzdyń joly bolmady.

80 kg salmaq dárejesinde Aleksandr Hıjnıak kósh bastap tur. Tokıo Olım­pıa­dasynyń kúmis júldegeri, álem jáne Eýropa chempıony, Eýropa oıyn­darynyń eki dúrkin jeńimpazy 28 jas­taǵy Ýkraınanyń maqtanyshy qazirgi kezde Parıjdegi dúbirli dodaǵa qyzý daıyndalyp jatyr. Sondaı-aq top-10 boksshynyń qata­ryna Imam Ha­taev (Reseı), Kallým Pı­ters (Aýs­tra­lııa), Arlen Lopes (Ký­ba), Turabek Ha­bı­býllaev (О́zbekstan), Kelın Kessı­dı (Ir­landııa), Sal­vatore Kaval­la­ro (Ita­­lııa) syndy boks­shylar enip otyr.

ALMATY