Atpress.kz paraqshasynda jazylǵandaı, 1996 jyly kúzde áskerge ketip, oralmaǵan Atyraý oblysynyń Qyzylqoǵa aýdanyna qarasty Jasqaırat aýylynyń 1977 jyly týǵan turǵyny Beıbit Qozybaev 28 jyldan keıin aman-esen tabylǵan.
Málimetke súıensek, qart ana Marjan Qozybaeva ulynyń tiri ekeninen esh úmitin úzbeı, jyldar boıy tozdyrmaǵan tabaldyryǵy, qaqpaǵan esigi qalmapty.
- Marjan apaıdyń bul kúnge de jetip, týǵan ulyn qushaqtap, saǵynyshyn basqanyn kózimiz kórdi. Aýdandyq áskerı komıssarıatyna kelip, balasyn surap egilgen ananyń talaı qınalǵannan esinen tanyp qalǵanyn da kórgenbiz. Sol kezderi ony ne dep jubatarymyzdy bilmeı, biz de qınalyp qalýshy edik. Búgin, mine, 28 jyldan keıin baýyr eti – balasymen qaýyshqan ana úshin bizdiń de kóńilimiz jaı tapqandaı boldy, - deıdi Qyzylqoǵa aýdandyq máslıhatynyń depýtaty, qorǵanys salasynyń ardageri Esenbaı Nurov.
Beıbit Qozybaevtyń qalaısha joǵalǵany, ne úshin osy ýaqytqa deıin oralmaǵany jazylmaǵan. Alaıda 2013 jyly Lada.kz ol týraly shaǵyn jańalyq jarııalaǵan.
- 16 jyl buryn Aqtaý bóliminen qashyp ketken sarbazdy áskerı polısııa áli de izdep jatyr. UQK Aqtaý garnızony boıynsha áskerı polısııa basqarmasynda habarlaǵandaı, vedomstvo QR QK-niń 372-baby boıynsha qylmys jasaǵany úshin ("Bólimdi óz erkimen tastap ketý") 10070 áskerı bólimi merzimdi qyzmetiniń áskerı qyzmetshisi, 1977 jyly týǵan matros Qozybaev Beıbit Altaıulyn izdeýde. Sarbaz – Atyraý oblysy Qyzylqoǵa aýdany Jasqaırat aýylynyń týmasy. Ol 1997 jyldyń 9 qyrkúıeginde joǵalǵan. Osy ýaqytqa deıin ornalasqan jerin anyqtaý múmkin bolmady. Qazir Qozybaev memleketaralyq izdeýde, oǵan qatysty "qamaýǵa alý" bultartpaý sharasy kózdelgen, - delingen materıalda.
