Foto: government
Atyraý oblysynda Jaıyq ózenindegi sýdyń kóterilýine jáne Irekli sý qoımasynan keletin sýdyń artýyna baılanysty jaǵalaýdy nyǵaıtý jumystary jalǵasyp jatyr.
«Búgingi tańda Jaıyq ózeniniń boıynda uzyndyǵy 520 km-niń 473 km-ne qorǵanys bógeti salyndy, 22 sáýirdegi jaǵdaı boıynsha 15 myńnan astam adam, 1,5 birlik tehnıka jumysqa tartyldy. Jumystar Inder, Mahambet, Isataı aýdandarynda jáne Atyraý qalasynda júrgizilip jatyr», dedi oblys ákiminiń baspasóz hatshysy Rýslan Jumaǵazıev OKQ alańynda ótken brıfıngte.
Sonymen qatar Jaıyq ózeni sýynyń Kaspıı teńizine quıylýyn jedeldetý maqsatynda sý túbin tereńdetý jumystary jalǵasyp jatyr. Sý túbin tazartý jáne keńeıtý jumystaryna 5 arnaıy tehnıka jumyldyryldy. Jylyoı aýdanynyń Qulsary qalasynda sońǵy táýlikte 16 úıde elektrmen, 300 úıde gazben jabdyqtaý qalpyna keltirildi, dezınfeksııalyq jumystar áli de jalǵasady.
О́tken táýlikte 80-nen astam úıde dezınfeksııalaý júrgizildi. Birjolǵy materıaldyq kómek alýǵa 3398 ótinish qabyldandy. Tólemder 3201 otbasyna berildi.
