Foto: azh.kz
«Dıapazon» basylymynyń jazýynsha, Atyraý-Aqtóbe poıyzynyń eki jolaýshysy «Jolaýshylar tasymaly» AQ-ny («Qazaqstan temir joly TUK» AQ enshiles kompanııasy) sotqa bergen. Olar atalǵan poıyz tazalyǵyna shaǵymdanyp, polısııaǵa aryzdanǵan.
Kólik polısııasynyń qyzmetkerleri Maqat stansııasyna baryp, ótinishti qabyldaǵan.
Oǵan qosa oryndaryn nemese vagondaryn aýystyrýdy suraǵan eki jolaýshynyń ótinishi jolserikterden qoldaý tappaǵan. Aryzdanýshylar bul jaǵdaıdy da eskerip, «Jolaýshylar tasymaly» AQ-dan moraldyq zııan úshin 500 myń teńge talap etken.
Temirjol kompanııasynyń ókili qos jolaýshynyń bul talaby men shaǵymyna kúmán keltirip, vagon taza bolǵanyn alǵa tartty.
Alaıda sot otyrysynda shaǵymdanýshylar vagon las bolǵanyn dáleldegen. Sot eki jolaýshynyń talaby oryndy degen uıǵarymǵa kelip, jaýapker eki talapkerge moraldyq shyǵyn keltirgeni úshin 50 myń teńgeden tóleýge mindetteldi.
