“BATYS EÝROPA – BATYS QYTAI” JOBASY QARQYNDY JÚZEGE ASÝDA

Elimizdiń 5 oblysy aýmaǵyn basyp ótetin “Batys Eýropa-Batys Qytaı” avtojolynyń qurylysy búginde belgilengen merziminen buryn júrgizilýde. Bul jóninde Kólik jáne kommýnıkasııa mınıstri Ábilǵazy Qusaıynov jýrnalıstermen ótkizgen arnaıy dóńgelek ústel barysynda habarlady. Quny 825 mlrd. teńge turatyn “Batys Eýropa-Batys Qytaı” halyqaralyq tranzıt dálizin qaıta salý jobasynyń iske asy­ry­lýy úlken qyzyǵýshylyq týdyrýda. Qy­taı­dan bastalatyn magıs­tral Reseıdiń Sankt-Peterbýrg qalasyna deıin 8,5 myń km. qa­shyq­tyqqa sozylyp jatyr. Aldyn-ala bol­jam boıynsha ekonomıkalyq tıimdiligi 86 mlrd. teńgeni quraıtyn teńdessiz jobanyń elimiz aýmaǵyn basyp ótetin bóligi 2 787 km. bolsa, onyń 2 452 km. qaıta salynýǵa jatady eken. Azııadan Eýropaǵa teńiz joldary arqyly júk tasymalyn júrgizý 40 táýlikten astam ýaqytty alady. Al “Batys Eýropa-Batys Qy­taı” jobasy júzege assa avtokólik jo­lymen 8,5 myń km. qashyqtyqty 10 táýlikte júrip ótýge bolady. Bizdiń tehnıkalyq negizdeme­lerimiz osyǵan eseptelgen, dedi Kólik jáne kommýnıkasııa mınıstri Á. Qusaıynov dóńgelek ústel barysynda. Tasylatyn júkten túser paıdadan ózge, joba aıasynda Jambyl, Ońtústik Qazaqstan jáne Qyzylorda oblys­tary boıynsha joldardy salýmen qatar, respýblıkalyq mańyzdaǵy jeliler qosa jańǵyrtylady. Bul respýb­lı­kalyq mańyz­daǵy jelilerdiń 90 paıyzy “Batys Eýropa-Batys Qytaı” jobasy ese­binen jóndeledi degen sóz. “Batys Eýropa-Batys Qytaı” avto­jolyn salýǵa qazir 11 kompanııa jumyldy­rylýda. Onyń 5-i shet­eldik kompanııa bolsa, 6-ýy qazaqstandyq. Atqarylatyn jumystyń 69 paıyzy qazaq­standyq kompanııalardyń moınynda. Mınıstr Ábilǵazy Qusaıy­novtyń aıtýyn­sha, shetel kompanııalarynyń ortaq iske qo­sylýǵa ynta bildirgeni bizge de tıimdi. О́ıt­­ke­ni, olar qoldanǵan sońǵy tehnıka men teh­nologııany keıin ózimiz úırenip, ındýstrııa­landyrý baǵdarlamasyna qoldanýǵa jeńil bolmaq. Teńdesi joq iri jobaǵa qarjy quıýshylar da osal emes. Búkilálemdik bank, Islam banki, Azııalyq jáne Eýropalyq bankter iri kólemde, atap aıtsaq, 422 mlrd. teńge qarjy salyp otyrǵandyǵy avtojoldyń bolashaǵy jarqyn ekendigine senimdi kúsheıte túsedi. Sondaı-aq qu­rylysqa qajetti materıal­dar­dyń 86 paıyzy elimizden shyǵarylyp, qazaq­standyq mazmun arta túsip otyr. Jaqynda ǵana Mańǵystaý oblysynda ashylǵan bıtým za­ýyty qazaq­standyq qurylys materıal­da­ryn paıda­lanýdy taǵy 6 paıyzǵa arttyrmaq. Búgingi kúni jol salyný barysynda kóp­tegen jumys oryndary ashylyp, oǵan óz ma­mandarymyz tartylýda. Joba júzege asyp jatqan elimizdiń úsh oblysynda 14 myń adam jumyspen qamtamasyz etilgen. Biz bıyl mer­digerlerdi basqa ýchaskelerge tartý ju­mystaryn aıaqtaımyz. Al sodan keıingi jyldary osy jobalar boıynsha 50 myńǵa tarta adam tartylady. Jalpy, jol salý barlyq jaǵynan paıda ákeledi, dedi Á. Qusaıynov. Venera TÚGELBAI.