Jumysshylardyń qaýipsizdigi – basty orynda

Qazaqstandaǵy gaz salasynyń kóshbasshysy «QazaqGaz» ulttyq kompanııasy men onyń barlyq enshiles táýeldi kompanııalary da osy maqsatty berik ustanady. Kompanııa basshylary óndiristik nysandarynda apatsyz qyzmetti qamtamasyz etý, jumysshylarǵa qaýipsiz eńbek jaǵdaıyn jasaý, óndiristegi jazataıym oqıǵalar men kásiptik aýrýlardyń aldyn alý úshin barlyq jaýapkershilikti tolyq sezinedi. Bul rette zııan­dy jáne qaýipti óndiristik faktor­lardyń jumysshylarǵa áser etý deńgeıin tómendetýge, kásibı táýekelder deńgeıine zor mán beriledi.

«Intergaz Ortalyq Azııa» kompanııasynda basshylar men jelilik personaldar arasynda qaýipsizdik mádenıetiniń deńgeıin arttyrý boıynsha is-sharalar júıeli túrde júrgiziledi. Al eńbekti qorǵaý salasyndaǵy zańnama talaptaryn saqtaý – kásiporyn qyzmetin basqarýdyń jalpy júıesiniń mańyzdy jáne ajyramas bóligi, sonymen qatar turaqtylyqtyń, ekonomıkalyq jaǵdaıdyń jaqsarýy men barlyq qyzmetkerdiń ál-aýqatynyń kepili.

2024 jylǵa arnalǵan О́ner­kásiptik qaýipsizdik jónindegi is-sharalar josparyn júzege asyrý maqsatynda quramyna «Intergaz Ortalyq Azııa» AQ kiretin «QazaqGaz» UK» AQ «Nóldik jaraqatqa 12 qadam» bas­tamasyn iske asyrýǵa bastapqy baǵalaý júrgizdi. О́zin-ózi baǵalaý ortalyq apparatta da, óndiristik fılıaldarda da júrgizildi. Al bul – óz aldyna birde-bir ju­myskerdiń jumys ornynda zardap shekpeýine baǵyttalǵan mańyzdy qadam.

О́nerkásiptik qaýipsizdikti qamtamasyz etýge jaýapty ju­mysshylardyń biliktiligin art­tyrýǵa kóp kóńil bólinedi. О́ıtkeni bul – kompanııanyń negizgi tiregi men basymdyqtarynyń biri. Onyń quny adam ómiri men den­saýlyǵyna tatıtyn bolsa, eshqandaı jetistik nemese tabys mańyzdy bolmaq emes. Osynyń barlyǵyn anyq túsingen kompanııa fılıal dırektorlary, bas ınjenerler jáne HSE tobynyń menedjerleri úshin «IOSH Qaýipsizdikti basqarý» (IOSH Managing Safety) baǵ­dar­lamasy boıynsha oqytý kýrsyn uıymdastyrdy. Qazirgi ýa­qyt­ta bes fılıal menedjeri osy baǵdarlama boıynsha oqýdy aıaq­tap, alǵan paıdaly bilimin jumys prosesine engizip jatyr.

Jumysshylardyń den­saý­ly­ǵyn saqtaý da mańyzdy. О́zde­­rińiz biletindeı, aýrýdy emdeýden góri aldyn alý ońaı. Sondyqtan medısınalyq qamtamasyz etý baǵdarlamasynyń alǵashqy sharalary aýrýdyń aldyn alýǵa, aýrýdy erte anyqtaýǵa jáne profılaktıkaǵa baǵyttalǵan. Bul mindettiń oryndalýyn qamtamasyz etetin sharalardyń biri – merzimdi medısınalyq tekserýler. Bıyldan bastap medısınalyq tekserýlerdiń aýqymy keńeıtildi, kardıo­log­tardyń keńesteri men dıag­nostıkalyq zertteý­ler engizildi. Bul bastapqy ke­zeńde júrek-qan tamyrlary aýrýlarynyń damý qaýpin anyqtaýǵa múmkindik beredi.

Sonymen qatar 2023 jyly engizilgen «Kezdeısoq skrınıng» nátıjeleri boıynsha birinshi toqsanda osy nozologııalyq topqa baılanysty aýrýlar men ólim-jitim sanyn azaıtýǵa baǵyttalǵan «Júrek-qan tamyrlary aýrýlarynyń aldyn alý baǵdarlamasy» ázirlendi. Sondaı-aq densaýlyqty qorǵaý jáne eńbek gıgıenasy, óndiristik sanıtarııa, qyzmetkerlerdiń densaýlyǵyn jaqsartý jónindegi is-sharalar jospary ázirlendi. Bul jıi jáne uzaq ýaqyt aýy­ratyn jumysshylardyń sanyn azaıtýǵa baǵyttalǵan. Atal­ǵan quraldardyń barlyǵy qyz­met­ker­lerdiń densaýlyǵyna qatysty máselelerdi ýaqtyly anyqtaýǵa, sozylmaly aýrý­lardyń órshý jıiligin tómen­detýge, sondaı-aq qajet bolǵan jaǵdaıda jedel medısınalyq kómek kórsetýge múmkindik beredi.

Bıyl kompanııa óziniń óndi­ris oryndarynda densaýlyq mektepterin ashýdy da jos­parlap otyr. Negizgi maqsat – qyzmetkerlerdi salamatty ómir salty daǵdylaryna úıretý jáne olardyń densaýlyǵyna áser etetin máseleler boıynsha quzyrettiligin arttyrý.

«Intergaz Ortalyq Azııa» AQ-da jedel medısınalyq kómek kórsetý júıesi de jumys isteıdi. Jaǵdaıdy baǵalaý negi­zinde Kompanııa aýrýlar men jaraqattardyń damýyndaǵy kúrdeli asqynýlardyń damý qaýpin tómendetý boıynsha sharalar qabyldady: áreket etýdiń ár kezeńinde qatań ýaqyt ere­jeleri qamtamasyz etiledi, qyzmetkerler oqytylady jáne medısınalyq tótenshe jaǵdaı kezinde ózara árekettesý sharalary týraly habarlanady. Sonymen qatar árbir bólimshege tótenshe jaǵdaı kezinde jedel medısınalyq kómek kórsetýge daıyn, mamandandyrylǵan orta­lyqtarda oqýdan ótken jáne tıisti sertıfıkaty bar paramedık kiredi. Munyń barlyǵy birigip «Intergaz Ortalyq Azııa» AQ barlyq nysandaryndaǵy qaýipsizdiktiń joǵary deńgeıi týraly aıtýǵa múmkindik beredi.