foto: Almaty qalasy PD baspasóz qyzmeti
«Almaty polısııasy ınternet-alaıaqtyq derekteri jıilep ketkenin eskertedi. Alaıaqtar WhatsApp messendjerinde akkaýnt ashyp, avatarlaryna memlekettik mekeme nemese jeke uıym basshysynyń sýretin ornalastyrady. Keıin «QR UQK kenetten tekserip jatyr» degen syltaýmen úshinshi tulǵalardyń shottaryna aqsha aýdarý qajet ekenin habarlaıdy. О́kinishke qaraı, bul tásilge aldanyp, qarajatynan qaǵylyp jatqan adamdar qatary kóbeıip barady», dedi Almaty qalalyq polısııa departamenti bastyǵynyń orynbasary Qýatbek Naýatov.
Aıta keteıik, sońǵy kezde elimizde ınternet-alaıaqtyq faktileri jıilep barady. Polısııa qyzmetkerleri el azamattaryn qyraǵy bolýǵa shaqyrady.
