Foto: the-steppe.com
Klımat ózgerisi - jahandyq shuǵyl másele. Sońǵy ýaqytta bul taqyryp Qazaqstanda da jan-jaqty talqylanyp keledi, maqsatty is-sharalar uıymdastyrylyp, mańyzdy kelisimderge qol jetkiziledi.
Osy tusta National Geographic Qazaqstan ókili Qanat Abashov Big Data derekterin paıdalanyp, tabıǵat kataklızmderi men olardyń saldarlaryn qalaı taldaýǵa, boljaýǵa bolatynyn kórneki mysaldarmen baıandap, qajetti resýrstardy nazarǵa usyndy.
Al is-sharanyń arnaıy qonaǵy bolǵan saıahatshy-bloger Dastan Muhamedrahym saıahattaý jáne dronmen vıdeo túsirý tájirıbesin bólisip, vıdeo-blogerlik Qazaqstannyń ishki týrızmine qalaı yqpal etetini týraly oılaryn ortaǵa saldy.
Kópshilik klımat ózgerisi bizden alysta júrip jatyr jáne onyń bizge áseri joq dep paıymdaıdy. Alaıda bul úderis bizge de jetti. Onyń áseri men zardabyn bizdiń el de tarta bastady. Buǵan sońǵy 2-3 jyl kólemindegi qýańshylyqtar men sý tasqyndary aıǵaq.
Ǵalymdardyń boljaýynsha, aldaǵy jyldary qýańshylyq, sý tapshylyǵy ulǵaıyp, daýyl bolmaıtyn aımaqtarda apatty daýyldar jıileı bermek. Sondyqtan, «Shevron» kompanııasynyń qoldaýymen ótken osyndaı semınar klımattyń ózgerý problemasyn sheshýge, halyqtyń jalpy habardarlyǵyn arttyrýǵa, sol arqyly yqtımal qaýip-qaterdiń aldyn alý isine óz paıdasyn tıgizetini aqıqat. Aldaǵy klımattyq ózgeristerge atalǵan onlaın platformalar arqyly kez kelgen el aldyn ala jospar quryp daıyndala alady. Jańa quraldar men tehnologııalar tabıǵı qıyndyqtarmen tıimdi kúresýge múmkindik bereri anyq.
