Bıýro málimetinshe 10 retten kóp kezdesetin 33 myńnan astam esim jáne 100-den astam ret kezdesetin 29 myń tektiń bary anyqtaldy.
Qazaqstanda eń kóp taralǵan erler esimi:
Azamat (63 myń adam);
Serik (53 myń adam);
Marat (50 myń adam).
Áıelder esimi:
Arýjan (73 myń adam),
Mádına (59 myń adam),
Dınara (59 myń adam).
- Sondaı-aq, 585 myń adam áıelge de, erlerge de qoıylatyn esimderdi arqalap júr, - deıdi Ulttyq stastıstıka bıýrosy. Olardyń ishindegi eń tanymaly Baqyt pen Sáýlet.
Qazaqsha er adamnyń esimderine «baı», «bek», «jan», «han» sózderi kóp jalǵanǵan. Ásirese «han» sózi bar esimder sońǵy 30 jyl boıy turaqty túrde ósip keledi.
Qazaqtar qysqa esimderdi kóbirek unata bastaǵan. Bir qyzyǵy, 70-80-jyldardy qospaǵanda, erlerdiń esimderi áıelderdikinen uzaǵyraq bolady.
