Bul el 1815 jyldan beri beıtarap bolyp kele jatyr. Tipti Ekinshi dúnıejúzilik soǵys kezinde de áskerlerin eshqaıda jibergen joq. Shveısarııanyń búkil tarıhynda ultaralyq qaqtyǵystar da bolmaǵan. Qarý-jaraqqa baılanysty «jaıly» zańy da bar. Shveısarııa kez kelgen áskerı qaqtyǵystarda beıtarap pikir ustanǵandyqtan, kóbisi bul eldi pasıfıster mekeni dep sanaıdy. Biraq túbegeıli olaı emes. Erler úshin áskerı qyzmet 18 jastan bastap mindetti. Olardyń kóp bóligi – áskerı rezervte turǵandar. Sondyqtan da árbiriniń úıinde qarý ustaýǵa ruqsat berilgen. Ony kez kelgen sátte qoldana alady.
Sútqorektiler áskeri
Soltústik Koreıa delfınder men basqa da sútqorektilerdi áskerı maqsatta jattyqtyryp jatyr. Mundaı aqparatty «USNI News» amerıkalyq basylymy spýtnıkten túsirilgen sýretterge qarap habarlaǵan.
Jarııalanǵan kadrlarda Nampho áskerı-teńiz bazasynyń aýmaǵynda ornalasqan sútqorektilerdiń arnaıy qorasy men jattyǵý kesheni beınelengen. Atalǵan nysandardyń alǵashqy sýretteri 2015 jyly jasalǵan. Teńiz sútqorektileri sý túbinen zattardy tabýǵa ári jarylǵysh zattardy ajyratýǵa úıretilgen-mys. Olar tipti tereńde jatqan obektilerdi de teksere alady. Sonymen qatar janýarlar áskerı-teńiz bazalaryn dıversanttardan qorǵap, súńgýirlerdi alystan baıqaýǵa qaýqarly. «Sý túbinde adamdarǵa qaraǵanda delfınder men ıtbalyqtardyń múmkindigi kóp. Itbalyqtardyń qarańǵy jáne bulyńǵyr, laı sýdy jaqsy kóretinin eskerý kerek» dep jazǵan sheteldik basylym.
