Sýretti túsirgen – Erlan OMAR, «EQ»
Aty aıtyp turǵandaı, ıissýdyń túr-túrin shyǵarady. Erler men qyz-kelinshekterge, tipti balalarǵa arnalǵany, kólik pen úıińizdi hosh ıistendiretin túri de bar. Munda daıyndalatyn ónimniń kóp bóligi shetelge shyǵarylady eken.
Shıkizatyn Italııa men Fransııa memleketinen aldyratyn sehta kóbine jastar jumys isteıdi. Barlyǵy – 80 qyzmetker. Bir qyzyǵy, munda arnaıy mamandyq qajet etilmeıdi. Jańadan kelgen adamǵa seh basshylyǵy jumys barysyn ózderi úıretip, arnaıy oqytý kýrsynan ótkizedi eken. Sondaı-aq qaýipsizdik sharalary da qatań saqtalyp, arnaıy jumys kıimi beriledi.
«О́nimniń basym kópshiligi, ıaǵnı 85 paıyzy syrt elderge jiberiledi. Al átirdiń syrtqy qorapshasyn Qytaıdan aldyramyz. Sondaı-aq quıylmaly átirler arnaıy sısternalarmen kelgen soń óndiristegi zerthanamyzda túrli hosh ıister boıynsha zertteý júrgizemiz. Taýarlyq markasy qoıylyp, ár átirdiń óz kody boıynsha eksportqa shyǵarylyp júr. Jalpy, ónimderdi shyǵarý kezinde biz eń joǵary sapaly shıkizatty paıdalanamyz», deıdi kompanııanyń bas dırektory Zakır Bınnatlı.
Al óndiristik sehtyń basqarýshysy Aıdyn Qaıyrjanovtyń sózinshe, óndiris úsh bólimnen turady. Quıylý sehy, jeke zerthanalyq jáne ǵylymı ortalyq bólimi, sondaı-aq taýarlar qoımasy. Sonymen qatar óndiris ornynyń kórshi elderde 650 saýda núktesi bar eken. Olar – Reseı, Moldova, Qyrǵyz Respýblıkasy, О́zbekstan, Túrikmenstan jáne Tájikstanda ornalasqan. Sondaı-aq óz elimizdegi 80 dúkenge taratylady. Tipti kompanııa 2022 jyly óz ónimderin Kýveıt eline de jiberipti.
«Bir kúnde 15 myń átir daıyndalady. Al jyl boıy 2 jarym mıllıon átir qutysyn quıýǵa sehtyń qýaty jetedi. Kólemine kelsek, ıissý qutysynyń 2 mıllıgramm ólshemnen bastap, 100 mıllıgrammǵa deıin bolady. Balalarǵa, er adam men áıelder paıdalanatyn ıissýdyń san túrinen bólek, avtomobıldiń ishki salonyna, bólmelerge arnaıy qoıýǵa arnalǵan átirler daıyndalady. Munda ár qyzmetkerdiń atqaratyn mindeti naqty belgilengen. Mysaly, bir maman quıý jumystarymen aınalyssa, kelesisi qaptaý nemese arnaıy taýarlyq kod qoıýmen aınalysady. Al endi biri átirdiń sapasyn qadaǵalaıdy», deıdi Aıdyn Qaıyrjanov.
Aıtpaqshy, óndiris qala syrtynda ornalasqandyqtan qyzmetkerlerge arnaıy avtobýs qarastyrylǵan. Sondaı-aq kompanııa tarapynan túski as tegin beriledi. Al ortasha jalaqy – 350-400 myń teńge kóleminde eken.
«Qyzmetkerlerge áleýmettik qoldaýlar uıymdastyrylyp turady. Merekelerde syıaqy berilip, jańa oqý jyly nemese balalar merekesinde balabaqsha men mektepke baratyn balalary bar qyzmetkerlerge kompanııa tarapynan arnaıy syılyqtar da uıymdastyrylady», deıdi kompanııa basshysy Z.Bınnatlı.
О́ndiristi aralaı júrip baıqaǵanymyzdaı, «Aromat» JShS óz múmkindigin jyl saıyn ulǵaıtyp keledi. Qazir seriktestik qosymsha parfıým ónimderin saqtaıtyn qoıma da salyp jatyr.
Jeke parfıýmdik brend qalyptastyryp úlgergen kompanııa kóbine-kóp úlken kólemdegi tapsyrystardy qabyldap júr. Sondaı-aq tutynýshylar tarapynan arnaıy baryp, unaǵan átirin jekeleı satyp alatyndar jeterlik. Otandyq taýardy damytýǵa qulshynys tanytqan seriktestiktiń barlyq óniminiń baǵasy da qoljetimdi.
