Biraq birdi-ekili uzaq jasaǵan ıtter bolǵan. Máselen, Majarstanda bir qoıshynyń ıti 34 jyl jasaǵan. Alyp janýarlardyń ishindegi uzaq jasaıtyny afrıka pilderi. Olar 70 jyl ómir súredi. Sondaı-aq begemot pen múıiztumsyq 50 jyl tirshilik etedi. Al maımyldar 40-50 jyl ómir súrse , haıýanattar saıabaǵynda únemi kútimde júretin krokodıl ǵasyr jasaıdy. Totyqus 120 jyl tirshilik keshedi. Balyqtardyń ishinde eýropalyq jylanbalyq 90 jyl jasasa, bekire – 60, shortan – 50 jyl ómir súredi.
Jazý mashınkasy
Tarıhı derekterde 1864 jyly germanııalyq Peter Mıtterhofer jasaǵan mashınka alǵashqy jazý mashınkasy sanalady.
Peter ony aǵash ustasy bolǵandyqtan aǵashtan oıyp, ádemilep jasaǵan. Bir qyzyǵy, sheberdiń qolynan shyqqan osy mashınkanyń bireýi saqtalyp qalǵan. Qazir ol Drezdenniń tehnıkalyq mýzeıinde tur. Sonymen qatar danııalyq Mallıng Hansen jasaǵan jazý mashınkada alǵashqylardyń biri sanalady. Bul – fabrıkalyq ádispen jasalǵan tuńǵysh mashınka.
Qoılar da aqyldy
Osydan biraz jyl buryn Kembrıdj ınstıtýtynyń ǵalymdary 20-dan asa janýarǵa zertteý júrgizgen.
Nátıjesinde, qoı óziniń 50 tuqymdasynyń túrin este saqtaı alady degen tujyrym jasaǵan. Ǵalymdardyń aıtýynsha, tórt túliktiń ishinde «jady myqtysy» – osy Shopan ata tuqymy. Olar adam beınesin de umytpaıdy eken.
