Búginde 20 601 otbasy 7,4 mlrd teńgeden astam somaǵa 100 AEK mólsherinde birjolǵy tólem aldy. Mal shyǵyny úshin berilgen memlekettik kómek kólemi 1,1 mlrd teńgeden asty.
11 mamyrdaǵy jaǵdaı boıynsha 130 otbasy eski turǵyn úıleriniń ornyna jańa baspanaǵa ıe boldy. Bul rette Aqtóbe, Qostanaı, Soltústik Qazaqstan, Pavlodar oblystarynda zardap shekken azamattarǵa beriletin 239 jańa úı salynyp jatyr. Sonymen qatar 568 otbasy 710 mln teńgeden astam somaǵa turǵyn úıdi jóndeýge jáne qalpyna keltirýge ótemaqy aldy. Jalpy alǵanda, zardap shekken óńirlerde 9995 turǵyn úı tekserilip, 7522 nysanda baǵalaý jumystary júrgizildi.
Zalaldy óteý jumystary jalǵasýda jáne Úkimettiń qatań baqylaýyna alynǵan. Qazaqstan Prezıdentiniń tapsyrmasymen barlyq zardap shekken azamatqa jan-jaqty kómek pen qoldaý kórsetiledi.
