Foto: © Shutterstock
Ońtústik sıklony men atmosferalyq frontaldy bólikter elimizdiń basym bóliginde óz áserin saqtaıdy. Naızaǵaı oınap, jańbyr jaýady, shyǵys pen ortalyqta qatty jańbyr, burshaq jaýyp, daýyl soǵady. Tek elimizdiń soltústigi, soltústik-batysy men ońtústik-shyǵysynda jaýyn-shashynsyz aýa raıy bolady. Respýblıka boıynsha jeldiń kúsheıýi, túngi jáne tańerteńgi saǵattarda soltústigi, soltústik-batysy men ortalyǵynda tuman kútiledi.
«Túnde Qostanaı, Aqtóbe oblystarynyń soltústiginde, Soltústik Qazaqstan oblysynyń batysynda, Aqmola oblysynyń batysy men soltústiginde topyraq betinde 2-3 gradýs úsik júredi», delingen sınoptıkterdiń habarlamasynda.
Qaraǵandy oblysynyń batysynda, ońtústiginde, Ulytaý oblysynyń ortalyǵynda, Abaı, Qostanaı oblystarynyń ońtústiginde, Atyraý oblysynyń soltústik-batysynda, Shyǵys Qazaqstan oblysynyń ońtústik-shyǵysynda, Qyzylorda oblysynyń batysynda, Batys Qazaqstan oblysynyń batysynda, soltústik-batysynda, ońtústik-batysynda joǵary órt qaýpi saqtalady.
Qyzylorda oblysynyń Qazaly aýdanynda, Túrkistan oblysynyń shóldi aýdandarynda, Abaı oblysynyń Úrjar aýdanynda tótenshe órt qaýpi kútiledi.
