Eń aldymen, «QAZAQGAZ AIMAQ» AQ gazdy tasymaldaýdan bastap, ony túpkilikti tutynýshyǵa ótkizý, sondaı-aq óziniń gaz taratý jelileri men ondaǵy gaz jabdyqtaryn derbes paıdalanýǵa deıingi óndiristiń tolyq sıklin ózine qaıtardy. Bul jylytý maýsymdaryna daıyndyqty tıimdi júrgizýge, túrli oqıǵalardyń aldyn alýǵa, tehnologııalyq aqaýlarǵa jedel nazar aýdarýǵa múmkindik bermek.
Sonymen qatar qosymsha gaz taratý júıelerin paıdalaný jumystarymen tikeleı aınalysatyn 3 309 óndiristik mamandy jumysqa qabyldady. Bul kompanııanyń mártebesin ósirýmen qatar, atalǵan aksıonerlik qoǵamǵa úlken jaýapkershilik júktep otyr.
Kompanııa «QazaqGaz» UK» AQ – enshiles kompanııasy jáne eldiń ishki naryǵyndaǵy gazben jabdyqtaýshy negizgi uıymdardyń biri. Qyzmetiniń negizgi baǵyty – óńirlerdegi barlyq tutynýshylardy tabıǵı gazben úzdiksiz qamtý ári apattardy boldyrmaý. Ekinshiden, tutynýshylaryna gazben jabdyqtaýdyń qoljetimdiligin, ózara senimdiligin jáne qyzmet kórsetýdiń sapasyn arttyrýǵa basymdyq beredi. Buǵan qosa qyzmet kórsetý jyldamdyǵy men jumystaryn kásibı oryndaýǵa udaıy nazar aýdaryp keledi.
Búgingi tańda «QAZAQGAZ AIMAQ» AQ óziniń óndiristik fılıaldary arqyly barlyq on tórt oblysqa jáne respýblıkalyq mańyzy bar úsh qalaǵa taýarlyq gaz jetkizýde. Olar – Aqtóbe, Almaty, Atyraý, Aqmola, Shyǵys Qazaqstan, Jambyl, Jetisý, Batys Qazaqstan, Qaraǵandy, Qyzylorda, Qostanaı, Mańǵystaý, Túrkistan jáne Ulytaý oblystary, respýblıkalyq mańyzy bar Astana, Almaty jáne Shymkent qalalary.
Kompanııa qyzmetin 12 mıllıonǵa jýyq turǵyn (2 mln 400 myńnan astam abonent) paıdalanyp otyr, ıaǵnı tutynýshylar sany jylma-jyl ósip jatyr. Mysaly, bıyl gaz tutynatyn turǵyndar sany byltyrǵymen salystyrǵanda 500 myńdaı adamǵa ósken. Sondaı-aq tutynýshyǵa gaz jetkizetin taratý jelileriniń uzyndyǵy 69 myń shaqyrymnan asqan, bul ótken jylmen salystyrǵanda 5 500 shaqyrymǵa artyq.
Búginde respýblıkada qýatty kadrlyq áleýeti bar, zamanaýı ınnovasııalyq jáne aqparattyq tehnologııalarmen qamtylǵan, joǵary materıaldyq-tehnıkalyq bazasy qurylǵan osy aksıonerlik qoǵam gazben jabdyqtaýdaǵy qyzmet kórsetý jóninde jetekshi kompanııa retinde oryn alyp tur. Bolashaqta da salany sıfrlandyrý arqyly tabıǵı gazdy jetkizý men tasymaldaý jáne jabdyqtaý qyzmetin joǵary sapada qamtamasyz etpek.
Kompanııa qyzmetin sıfrlandyrý aıasynda gazdandyrýǵa qajetti tehnıkalyq sharttar alýǵa ótinim berý Egov.kz elektrondyq úkimet portalyna shyǵaryldy. Sondaı-aq «QAZAQGAZ AIMAQ» AQ obektini gazdandyrý úshin qurylys-montaj jumystaryn júrgizetin lısenzııalanǵan kompanııalardy izdeýge arnalǵan Marketplace portalyn da iske qosqan.
Kompanııanyń mindeti – adamdarǵa jylýlyq pen qýanysh syılaý, eldiń ál-aýqatyn arttyrýdy damytýǵa úles qosý. Esterińizge sala keteıik, 2022 jyly 5,6 mlrd teńgeniń shyǵynyna ushyraǵan «QAZAQGAZ AIMAQ» kompanııasy 2023 jyldy 3,5 mlrd teńge taza tabyspen aıaqtady.
