Foto:bilimdinews.kz
Ǵylym jáne joǵary bilim mınıstrliginiń málimetinshe, 2024 jyly mektep bitirýshiler sany 188 245 adamdy quraıdy. UBT-ǵa tapsyrylǵan ótinishterdiń sany 2 áreketti esepke alǵanda 330 116 adamdy quraıdy, onyń 293 186-sy aǵymdaǵy jylǵy mektep túlekteri, onyń ishinde sý tasqynynan zardap shekken 6 oblystan 59 799 ótinish bar.
«Tótenshe jaǵdaı jarııalanǵan 6 oblysta (Aqmola, Aqtóbe, Atyraý, Batys Qazaqstan, Qostanaı, Soltústik Qazaqstan) jaǵdaıdy eskere otyryp, UBT osy jyldyń 25 mamyry men 12 shildesi aralyǵynda ótedi. Bul óńirler boıynsha da ótinishterdi qabyldaý 20 mamyrǵa deıin uzartyldy», dedi Saıasat Nurbek.
Sonymen qatar mınıstrdiń aıtýynsha, sý tasqynynan zardap shekken 6 oblystyń mektep túlekterin qoldaý maqsatynda jalpy memlekettik bilim berý tapsyrysynyń 20% (nemese 12 528 grant) kvota túrinde granttar bólý sharalary júrgizilip jatyr. Olardyń tolyq qamtylýyn qamtamasyz etip jáne oqýdyń barlyq baǵyttary boıynsha konkýrsqa qatysýǵa múmkindik beriledi.
Qyrmyzy JUMAǴALIQYZY,
EUÝ stýdenti
