Kıno salasyndaǵy serpilis

Mańyzdy qadam qos el ara­syndaǵy mádenı qarym-qaty­nasty nyǵaıtyp, kınoındýstrııa salasyn damytýǵa baǵyttalǵan.

Memorandým aıasynda taraptar eki eldiń kıno ónimderin óz aýmaqtarynda taratýǵa qoldaý kórsetedi.

«Kıno ónimderin shetelde taratý – mádenı áralýandyqty ilgeriletýdiń mańyzdy faktory. Bul oraıda Fransııadaǵy Ulttyq kınematografııa jáne anımasııa ortalyǵy qazaq­stan­dyq áriptesterge kıno ón­dirisin halyqaralyq deń­geıde ilgeriletýge qatysty saraptamalaryn bólisedi. Bul – tájirıbe tolystyrýǵa taptyrmas múmkindik», deıdi Qazaq­stan­daǵy Ulttyq kınony qoldaý ortalyǵynyń basqarma tóraǵasy Qurmanbek Jumaǵalı.

Fransııa Ulttyq kınema­tografııa jáne anımasııa orta­lyǵy qazaq fılmderin taratýǵa, fransýz fılmderin qazaq tiline dýblıajdaýǵa kómek kórsetýge daıyn ekenin jetkizdi.

Aıta keteıik, Ulttyq kıno­ny qoldaý ortalyǵy alǵash ret 77-halyqaralyq Kann kıno­festıvali aıasynda «Marche Du Film» kınonaryǵyna qatysyp jatyr. Ondaǵy maqsat – birlesken kınoóndiristi damyta otyryp, sheteldik serik­testerdi tartý, sondaı-aq otan­dyq fılmderdiń tanymal­dylyǵyn arttyrý.