Foto: tolqyn.kz
Sınoptıkterdiń boljamy boıynsha, Qazaqstannyń basym bóliginde jaýyn-shashyn bolady, elimizdiń soltústigi men shyǵysynda qatty jańbyr jaýyp, sońy qarǵa ulasýy múmkin.
«Eldiń basym bóliginde túnde jaýyn-shashyn, shyǵysta qatty jaýyn-shashyn (jańbyr, qar), elimizdiń soltústik-shyǵysynda da nóser jańbyr bolady dep kútiledi. Elimizdiń ońtústiginde ǵana antısıklonnyń áserinen jaýyn-shashynsyz ashyq aýa raıy saqtalady. Respýblıkamyz boıynsha jeldiń ekpin alýy tán. Soltústik óńirde burshaq túsedi, ortalyǵymyzda qatty jel turady, ońtústik-shyǵysta túngi ýaqytta tuman bolady dep boljanady», dep habarlady «Qazgıdromet» RMK.
Túnde Aqmola, Qaraǵandy, Ulytaý, Soltústik Qazaqstan oblystarynyń batysynda, soltústiginde topyraq beti qatady, Túrkistan oblysynyń taýly aýdandarynda synap baǵany 1-2 gradýs sýyqty kórsetedi dep kútiledi.
Qostanaı oblysynyń ońtústiginde, Atyraý oblysynyń batysynda, ońtústiginde, Qyzylorda óńiriniń shyǵysynda, batysynda, Batys Qazaqstan oblysynyń ońtústik-batysynda, Abaı oblysynyń ortalyǵynda órt qaýpi joǵary bolady. Abaı oblysynyń ońtústiginde, Jetisý oblysynyń shyǵysynda, Túrkistan oblysynyń shóleıtti aýdandarynda tótenshe órt qaýpi kútiledi.
