Otanǵa adal qyzmet etýdiń úlgisi

Is-shara Táýelsiz Qazaqstan Qarýly kúshteri qalyptasýynyń bastaýynda turǵan ataqty áskerı qolbasshynyń týǵanyna 100 jyl tolýyna oraı uıymdastyryldy.

Oǵan Parlament depýtattary, Qarýly kúshterdiń qurylýy jolynda qajyrly eńbek etken ardagerler, qoǵam qaıratker­leri, professorlyq-oqytýshylar quramy jáne Ulttyq qorǵanys ýnıversıtetiniń magıstranttary qatysty. Beınebaılanys arqyly Ázerbaıjan, Qyrǵyzstan, Reseı, Tájikstan jáne О́zbekstan áskerı oqý oryndarynyń ókilderi is-sharaǵa qosyldy. 

Konferensııaǵa qatysýshylarǵa arnap Qorǵanys mınıstriniń birinshi oryn­basary – QR Qarýly kúshteri Bas shtabynyń bastyǵy, general-leıte­nant Sultan Kamaletdınov sóz sóıledi.  

– Saǵadat Nurmaǵambetovtiń esimi el tarıhynda máńgi tańbalan­ǵan. Saǵadat Qojahmetuly – kórnek­ti áskerı basshy ǵana emes, Otan­ǵa adal qyzmet etýdiń úlgisi. Onyń jaýyngerlik joly men el ıgiligi úshin etken qyzmeti – bárimizge ónege, – dep atap ótti S. Kamaletdınov.

Konferensııada soǵys tarıhy men áskerı óner jáne onyń damý perspektıvalary týraly baıandamalar tyńdaldy. Oǵan qatysýshylar Keńes Odaǵynyń batyry Saǵadat Nurmaǵambetovtiń jaýyngerlik jolyndaǵy soǵys tarıhyn zertteý tájirıbesimen bólisti. Odan bólek, jıynda batyrdyń Qazaqstan armııanyń qalyptasýy men damýyndaǵy tarıhı róli týraly aıtyldy. 

Is-sharaǵa arnaıy kitap kórmesi, armııa generaly Saǵadat Nurmaǵam­betovtiń qujattary men jeke zattary qoıylǵan ekspozısııa daıyndaldy. Astana qalasynyń memlekettik arhıvi ol týraly sırek kezdesetin materıaldarmen tanystyrdy. 

– Saǵadat Nurmaǵambetov – qazaq halqynyń birtýar uly. Ol áskerde 54 jyl qyzmet etip, óziniń barlyq kúsh-jigerin, qajyr-qaıratyn osy salaǵa arnady. Batyr esimi – el esinde, máńgi jadymyzda saqtalady. Onyń minsiz qyzmeti – Otanǵa shynaıy adal qyzmet etýdiń, elge, jerge degen súıispenshiliktiń aıqyn kórinisi, – dedi Qorǵanys mınıstriniń tárbıe jáne ıdeologııalyq jumys jónindegi orynbasary, general-ma­ıor Shaıh-Hasan Jazyqbaev.

Baıandamalarda qatysýshylar armııa generaly Saǵadat Nurmaǵam­betovtiń áskerı-teorııalyq jáne rýhanı murasyn zerdeleý qajettigin atap ótti, ol jas urpaqtyń boıynda durys ómirlik baǵdarlar men pat­rıo­­tızm, azamattyq, el isine aralasý men jaýapkershilik sezimi sııaqty jeke qasıetterdi qalyptastyrýǵa oń yqpal etedi.

Is-shara sońynda Ulttyq qorǵanys ýnıversıtetiniń bastyǵy, general-maıor Asqar Mustabekov bir­qatar konferensııaǵa qatysýshyǵa «S.Q.Nurmaǵambetovke 100 jyl» estelik belgilerin, sertıfıkattar men alǵyshattar tabys etti.