Foto:zakon.kz
Olar vıdeony áleýmettik jelilerde taratty.
«Júzdegen myń Qazaqstan azamaty ónerkásipte, iri, orta jáne shaǵyn kásiporyndarda eńbek etip júr. Bizdi bir nárse biriktiredi – ózimizdikin óndirý, damyǵan ıaǵnı, zaýyttar, kópirler, bógetter men JEO sala alatyn mamandar tapshylyǵy joq elde ómir súrýge degen talpynys. Kúshti ónerkásip bolmasa, bul bolmaıdy! Árqaısymyzdyń artymyzda otbasymyz, balalarymyz bar. Bul otandyq óndiris pen mashına jasaýdyń qalaı damıtynyna búginde júzdegen myń adam táýeldi ekenin bildiredi», delingen habarlamada.
«SemAZ» qyzmetkerleri kádege jaratý aqysyn alyp tastaýdy búkil halyq emes, tek jeke múddeli azamattar talap etip otyr dep paıymdaıdy.
«Qaıta óńdeý aqysyn tutas halyqqa emes, belgili bir adam tobyna mindetteý kerek. Bul talaptardyń avtorlary onyń ornyna eshteńe usynbaıdy, olar tek adamdardy adastyrady. Onyń ústine olar bizdi jumystan ǵana emes, óndiris qyzmetkerlerimen birge ósip-órkendeý múmkindiginen aıyrady. Bizdi, óndiris qyzmetkerlerin qaıtadan taksı júrgizýshisi, bazarda satýshy bolýǵa, tipti basqa elge aýysýǵa ıtermelep jatyr», deıdi halyq.
Sondaı-aq «SemAz» qyzmetkerleri mashına jasaýdy qoldaý sharalarynyń kúshin joıýǵa qarsy shyqty.
«Sońǵy jyldary bizdiń óńirdiń jastary ınjenerdiń joǵary bilimi bolýy ózin jáne otbasylaryn asyraı alady dep sendi. Endi bul bilim qaıtadan eshkimge paıdasyz bolýy múmkin! Bizdiń maqsatymyz-turaqtylyq pen bolashaqqa degen senimdilik. Sondyqtan biz Qazaqstan Úkimetine otandyq kásiporyndardyń ósýi úshin qolaıly jaǵdaılar jasaýdy jalǵastyrýdy suraımyz. Bos urandarǵa emes, Qazaqstannyń bolashaǵy úshin naqty is-áreketterge nazar aýdarý kerek», dep túıindedi óndirýshiler.
Qyrmyzy JUMAǴALIQYZY,
EUÝ stýdenti
