Foto: A.Baıjumanov
Senattyń baspasóz qyzmeti málim etkendeı, aýyl sharýashylyǵy, sý resýrstary jáne ırrıgasııa, saýda jáne ıntegrasııa mınıstrlikteri ókilderimen jáne atalǵan oblys ákimdigi qyzmetkerlerimen kezdesýde senatorlar komıtettiń agroónerkásip boıynsha Túrkistan oblysynda ótken kóshpeli otyrys qorytyndylaryn talqylady.
Senatorlar kóshpeli otyrystyń qorytyndysy boıynsha anyqtalǵan problemalardy sheshý jónindegi usynymdar toptamasyn ázirledi. Atap aıtqanda, erozııaǵa ushyraǵan jerlerdi qalpyna keltirý boıynsha jol kartasyn ázirleý, fermerlerdiń geobotanıkalyq jáne topyraq zertteýleriniń nátıjelerine qol jetkizýin qamtamasyz etý úshin aýyl sharýashylyǵy jerlerine aýdıt jáne sıfrlandyrý júrgizý usynyldy.
Senat depýtattary agroónerkásip sektoryndaǵy ahýaldy jaqsartý jáne sý resýrstaryn basqarý úshin sýbsıdııalardy nysanaly paıdalanýǵa toqsan saıyn monıtorıng júrgizý, qolaıly ınvestısııalyq orta qurý, zamanaýı zerthanalar sanyn ulǵaıtý jáne fıtosanıtarııalyq jáne veterınarııalyq baqylaýdy kúsheıtýdi usyndy. Sondaı-aq jylyjaılardy jylytýǵa jáne aýyl sharýashylyǵy tehnıkasyn jańartý deńgeıin arttyrýǵa arnalǵan shyǵyndar boıynsha memlekettik qoldaý sharalaryn qarastyrý usynylady.
