Kedendik ákimshilendirý máseleleri

Komıtet tóraǵasy Sultanbek Máke­janov otyrysty asha kelip, kedendik ákimshi­­lendirýdi jetildirý memlekettik shekara ar­qyly ótetin taýarlardy neǵur­lym tıimdi baqylaýǵa, kedendik baj ben salyq alym­daryn jaqsartýǵa, kásipker­lerdiń shyǵyn­daryn azaıtýǵa, elder arasyn­daǵy saýda qatynastaryna degen senim deńge­ıin arttyrýǵa, sondaı-aq elimizdiń ekonomı­kalyq órkendeýine yqpal etetinin atap ótti.

«Kedendik ákimshilendirý únemi jetil­dirilip otyrady, biraq sonymen birge sheshýdi qajet etetin máseleler de bar. Shekara mańyndaǵy kólik ınfraqurylymy men jol beldeýleriniń tehnıkalyq jaı-kúıi, qaýipterdi basqarý júıesiniń jumysy, kedendik shekara arqyly ótýdi jedeldetý jáne ońaılatý, memlekettik qyzmetterdi sıfrlandyrý, sondaı-aq keden organdarynyń mártebesi negizgi problema bolyp tur», dep atap ótti S. Mákejanov.

Qarjy mınıstrligi Memlekettik kirister komıtetiniń ókili óz kezeginde kedendik ákimshilendirýdi jetildirý jumys­tary týraly aıtyp berdi. Qazirgi kezde Qytaı, О́zbekstan jáne Túrik­menstan shekarasyndaǵy ótkizý beketterin tolyqtaı jańǵyrtý jumystary júrip jatyr. Bul ótkizý qabiletin 6 esege arttyrýǵa, ýaqytty 2 saǵattan 25 mınýtqa deıin qysqartýǵa jáne sybaılas jemqorlyq qaýipterin azaıtýǵa múm­kindik beredi. Shekarada toptalyp qalý­dy boldyrmaý úshin elektrondy kezek júıesi ázirlendi jáne engizildi. Ony qoldanǵanda shekara mańyndaǵy aýdandar­da áleýmettik jáne krımınogendik jaǵdaı jaqsara túsedi, respýblıkalyq mańyzy bar joldar boıynda kóliktiń shoǵyrlanyp qalýyn boldyrmaýǵa múmkindik beredi.

Dóńgelek ústel otyrysyna Qarjy mo­nıtorıngi agenttiginiń, Ulttyq qaýip­sizdik komıtetiniń, Bas prokýratýra­nyń, ulttyq ekonomıka, kólik, ónerkásip jáne qurylys, aýyl sharýashyly­ǵy, sıfrlyq damý, ınnovasııalar jáne aero­ǵarysh ónerkásibi mınıstrlikteri­niń, «Atameken» UKP, Qazaqstan keden brokerleri qaýymdastyǵynyń, sondaı-aq Ulttyq ekspedıtorlar qaýymdastyǵy men «QTJ-Júk tasymaly» kompanııasynyń ókilderi qatysty.