Kollajdy jasaǵan – Qonysbaı ShEJIMBAI, «EQ»
Igi bastamany qolǵa alyp, kórmeni uıymdastyrǵan, óz qarjysyna elimizden eksponattardy aldyrǵan – Nazar Álı Bımenov. Kásipker qazaqtyń baı mádenıetin búkil Amerıkaǵa tanystyrǵysy keledi.
«Nıý-Iork qalasynda endi turaqty túrde ótkizip turamyz. Qazir kerekti is-sharalar atqarylyp jatyr. Al AQSh-ty aralap, óńir-óńirge arnap óz sharýashylyǵymnan eki sprınter kóligin bóldim. Iаǵnı jyljymaly-kóshpeli murajaı bolady. Qazir etnomurajaı qorynda qazaqtyń salt-dástúrine qatysty, turmys tirshiliginde qoldanǵan kóptegen jádiger jınalǵan. Ertoqym, qamshy, sadaq, astaý, kese, qymyz pisetin kúbi bar. Tipti XIX ǵasyrdaǵy kelsapty da aldyrdyq», deıdi uıymdastyrýshy.
«Kórmege kelgen jastar ózderi bilmeıtin zattardyń atyn surap jatyr. Munda biraz jádiger jınalǵan. Kóne aspaptar da bar. Jetigen, qobyz... Osynda týǵan qazaq balalar: «Mynamen qalaı oınaıdy?», dep asyqtardy da, qyzyqtap kórip, oınap jatyr. Sondyqtan bul maqtanýǵa turarlyq is dep oılaımyn», deıdi Nıý-Iork turǵyny Násip Hazıeva.
Etnomurajaı aldaǵy ýaqytta da jańa jádigerlermen tolyqtyrylmaq. Máselen, kórmede sývenır kıiz úı tur, bolashaqta elden alty qanatty shyn qazaq úıdi aldyrtý jospary bar.
