Foto:gov.kz
Bas prokýratýranyń habarlaýynsha, Dýdnık prokýrorlar shyǵarǵan qadaǵalaý aktisinen keıin qyzmetinen aıyryldy.
«Memleket basshysynyń tapsyrmasy boıynsha prokýratýra mańyzdy ınvestısııalyq jobalardy qoldaý boıynsha jumysty jalǵastyrýda. Bul qadaǵalaý qyzmetiniń basym baǵyttarynyń biri, mundaǵy basty mindet máselelerdi tıimdi sheshý, ınvestorlardyń quqyqtary men zańdy múddelerin qorǵaý. Atalǵan jumys aıasynda Densaýlyq saqtaý mınıstrligi 4 ınvestısııalyq joba boıynsha Bas prokýratýranyń qadaǵalaý aktisine qatysty 8 tapsyrmany oryndamaǵany anyqtaldy. Investısııalyq shtabtyń nusqaýy boıynsha Densaýlyq saqtaý vıse-mınıstri V.Iý.Dýdnık qyzmetinen bosatyldy», dep habarlady qadaǵalaý organy.
Bul rette Bas prokýratýra Prezıdenttiń «El ekonomıkasyna ınvestısııalar tartý jónindegi jumystyń tıimdiligin arttyrý jónindegi sharalar týraly» Jarlyǵyna sáıkes ınvestısııalyq shtab sheshimderin oryndamaǵany nemese tıisinshe oryndamaǵany úshin ortalyq memlekettik organdar basshylarynyń belgilengen derbes jaýapkershiligi týraly eske saldy.
«Jalpy, búginde prokýrorlar ınvestorlardyń 225 máselesin sheshti. Atalǵan jumys jalǵasyn tabady jáne Bas prokýratýra basshylyǵynyń erekshe baqylaýynda bolady», dep tolyqtyrdy vedomstvo.
Qyrmyzy JUMAǴALIQYZY,
EUÝ stýdenti
