Foto: fruitart.kz
Aıta ketý kerek, «EKO-mádenıet» - turaqty damýdyń 13 jyldyq tarıhy bar ekologııalyq taza jabyq topyraq kókónisterin óndiretin iri agroónerkásiptik holdıngterdiń biri. Bir jyl ishinde holdıng óndirgen ónim kólemi 300 myń tonnadan asady. О́z kezeginde, Qazaqstanda qurylǵan ınvestısııalyq ahýal jáne naqty óndiristi qoldaý sharalary el aýmaǵynda ekonomıka úshin mańyzdy jobalardy iske asyrýǵa yqpal etedi.
Holdıng Túrkistan oblysy Keles aýdanynda jylyjaı kesheniniń qurylysyn bastady. Qazirgi tańda jylyna 28 myń tonnadan astam qyzanaq óndiretin 51 ga jer ýchaskesinde jylyjaı qurýdyń birinshi kezeńi júzege asyrylyp jatyr.
Kezdesýge qatysýshylar 500 ga jerdi qamtıtyn jylyjaı kesheniniń aýmaǵyn keńeıtý jobasyn talqylady. Bul jyl boıy 240 myń tonnadan astam kókónis ósirýge múmkindik beredi. О́ndiriletin ónim ishki naryqqa da jetkiziledi, sondaı-aq logıstıkalyq jáne taratý ortalyqtarynyń qazirdiń ózinde pysyqtalǵan arnalary arqyly shetelge eksporttalady.
Jobanyń birinshi kezegin kelesi jyldyń sońyna deıin paıdalanýǵa berý josparlanyp otyr.
Aleksandr Rýdakovtyń aıtýynsha, bul jylyjaı salynyp bitse, álemdegi eń úlken jylyjaıǵa aınalady. Onda 7 myń jumys ornyn ashý kózdeldi. «EKO-mádenıet» holdıngi jergilikti turǵyndar úshin básekege qabiletti eńbek jaǵdaılaryn jasap, sondaı-aq áleýmettik jaýapkershilik sheńberinde óńirdiń damýyna barynsha úles qosady.
Bul rette Úkimet basshysy agroónerkásiptik keshendi damytýdyń mańyzdylyǵyn atap ótti.
«Azyq-túlik qaýipsizdigi, turǵyndarymyzdy sapaly jáne arzan ónimdermen qamtamasyz etý - Úkimet jumysynyń basty basymdyǵy. О́sip kele jatqan demografııalyq kórsetkishterdi eskere otyryp, búkil álemde azyq-túlikke degen qajettilik turaqty túrde artyp keledi. Bizdiń naryqty qamtamasyz etýge jáne ónimdi eksporttaýǵa barlyq múmkindigimiz bar. Búgin biz aýyl sharýashylyǵy salasyn ishki qajettilikti tolyǵymen jaba otyryp jáne eksport kólemin ulǵaıtýdy jalǵastyra otyryp, jańa deńgeıge kóterýdi maqsat etip otyrmyz. Osy baǵytta biz ınvestorlardy tartýǵa múddelimiz jáne aýqymdy jobalardy iske asyrýǵa qoldaý kórsetýge daıynbyz», dedi Oljas Bektenov.
Qyrmyzy JUMAǴALIQYZY,
EUÝ stýdenti
