Foto: Aqorda baspasóz qyzmeti
«Kezinde Shoqan, Abaı, Álıhan, Ahmet, Qanysh sııaqty arystarymyz zııalylyǵymen talaıdy tańǵaldyrǵan. О́zge jurttyń qazaq týraly pikiri osyndaı tulǵalarymyz arqyly qalyptasqan. Qazir de óziniń bilimi, óneri arqyly álemdi moıyndatyp júrgen jastarymyz az emes. Olar kez kelgen tildi tez meńgerip alady. Qandaı ortaǵa da jyldam beıimdeledi», dedi Prezıdent.
Sondaı-aq Memleket basshysy bizdi álem elderi kózi ashyq, kókiregi oıaý halyq retinde tanıtynyn, bilimpazdyq, eńbekqorlyq, alǵyrlyq pen jasampazdyq – qanymyzǵa sińgen qasıet ekenin, osy qasıetterimizdi árdaıym tıimdi paıdalana bilýimiz kerektigin atap ótti.
«Biz qazirgi zamanǵy tehnologııany meńgergen jas ǵalymdarǵa zor úmit artamyz. Jastardyń ǵylymmen aınalysýyna barynsha jaǵdaı jasap jatyrmyz. Bıyl Ulttyq ǵylym akademııasynyń janynan Jas ǵalymdar keńesi quryldy. Bul keńes talapty jastardyń basyn qosyp, ǵylym jolyna jumyldyrady dep senemin. Shákárim «Jas kóńilde jaryq bar» dep aıtqan. Jastarymyz jasampaz jáne jańashyl bolýy kerek», dedi Qasym-Jomart Toqaev.
Prezıdenttiń aıtýynsha, jastyq shaq – ýaqytty bosqa ótkizetin emes, el úshin tabandy qyzmet etetin kez. Akademık Qanysh Sátbaevtyń ómir joly – osynyń jarqyn mysaly. Ǵulama ǵalym nebári 25 jasynda «Algebra» oqýlyǵyn jazýǵa kirisken. Al 30 jas shamasynda Jezqazǵandaǵy ken ornyn ashqan.
«Jas ǵalymdarymyz týǵan eline paıdasy tıetin jumyspen aınalysqany jón. Urpaqtyń bilimdi, otanshyl, memleketshil bolýy mańyzdy. Jastarymyz Adal azamat bolýy kerek. Eline, óz isine adal azamattar ǵana Qazaqstandy kórkeıte alady», dedi Memleket basshysy.
