Aqtóbede múgedekterge arnalǵan saýyqtyrý ortalyǵy ashyldy

AQTО́BE. 16 qańtar. Aqtóbe oblysy Baıǵanın aýdanynyń ortalyǵynda múmkindigi shekteýli jandarǵa arnalǵan alǵashqy saýyqtyrý ortalyǵy ashyldy. Bul týraly egemen.kz tilshisi habarlady. Ony ashqan Nurym Nurlan osydan tórt jyl buryn ınsýltke shaldyǵyp, qozǵalý qabiletinen aıyrylǵan edi. Alaıda, ol ómirdiń aldan tosqan aýyrtpalyǵyna moıymaı, II toptaǵy múgedek bolsa da qol qýsyryp qarap otyrmaı kásipkerlikke bet burdy. Aldymen joba jasap «Damý» kásipkerlikti damytý qory arqyly 1 mıllıon 250 myń teńge nesıe aldy. Bul qarajatqa qurylǵylar satyp alyp, ózi turatyn úıdiń aýlasynan ortalyq ashty.  Múmkindigi shekteýli jandar osy jerge kelip, deneshynyqtyrýmen aınalysady. Qazir ortalyqta alty jattyǵý qondyrǵysy bar. Ortalyqta júgirý jolaǵy, velosıped, shańǵy, baltyrdy shynyqtyrý qurylǵysy, baspaldaq, belge arnalǵan qurylǵy jáne jelke men saýsaqtarǵa arnalǵan massajerlar ornatylǵan. Kásipkerdiń joldasy A.Nurlanovanyń aıtýynsha, «Damý»  qorynan alǵan nesıege  ortalyqtyń ǵımaratyn turǵyzyp, Aqtóbe qalasyndaǵy «Sport  master» saýda dúkeninen jattyǵý quraldaryn alǵan. Qurylǵylardyń biri ınsýltqa shaldyqqan naýqastardyń qan tamyryn rettese, ekinshisi júrek jumysyn jaqsartady. Naýqas jandar munda aýdandaq aýrýhana jáne emhana dárigerleriniń joldamasy arqyly qabyldanady eken. Aýdandaǵy saýyqtyrý ortalyǵyna  múmkindigi shekteýli jandarmen birge, salamatty ómir saltyn ustanýshylardyń da kelýine bolady. Satybaldy Sáýirbaı. Derek: egemen.kz. Sýret: body4me.ru.