Foto: gov.kz
Is-sharaǵa Qazaqstan, Reseı Federasııasy, О́zbekstan ǵylymı-zertteý ınstıtýttarynyń belgili ǵalymdary, sondaı-aq jergilikti atqarýshy organdardyń ókilderi, memlekettik botanıkalyq baqtardyń basshylary, jetekshi landshaft sáýletshileri jáne taǵy basqalar qatysty.
Kún tártibine sáıkes dóńgelek ústelge qatysýshylar elimizdiń qalalary men eldi mekenderindegi kógaldandyrýdyń qazirgi jaı-kúıin baǵalap, jasyl jelekterdi túgendeý jáne sıfrlandyrý máselelerimen tanysty.
«Biz munda ózekti máselelerdiń biri – eldi mekenderde sapaly jasyl jelekterdi qurý boıynsha kúsh-jiger men bilimdi biriktirý úshin jınaldyq. Ekologııa jáne tabıǵı resýrstar mınıstrligi bul máselege úlken mán berip, osy máseleni sheshýge baǵyttalǵan ǵylymı zertteýler men praktıkalyq jobalardy qoldaýǵa daıyn», dep atap ótti mınıstr óziniń quttyqtaý sózinde.
Sondaı-aq qazirgi ýaqytta josparlaý qurylymynyń barlyq elementterin teńgerimdi jáne ózara baılanysty damyta otyryp, kógaldandyrý jáne jaıly tirshilik ortasyn qurý úshin ósimdikterdi tańdaýdyń ǵylymı negizdelgen tásiline negizdelgen túbegeıli jańa ádistemelerde qalalyq kógaldandyrýdy uıymdastyrý prınsıpterin qaıta qaraýdyń shuǵyl qajettiligi týyndaǵany atap ótildi.
Is-shara qorytyndysy boıynsha qatysýshylar qalalyq kógaldandyrý máselelerin sheshýde, ósimdikterdiń assortımentin tańdaýda, olardy baqylaý men kútýde ǵylymı tásil boıynsha usynystar ázirledi.
