Foto: A.Baıjumanov
Komıtet tóraǵasy Nurtóre Júsip sharanyń maqsaty – «Qaraǵandy farmasevtıka kesheni» JShS qyzmetimen tanysý, farmasevtıka salasynyń jaı-kúıi men damý keleshegine taldaý júrgizý jáne ózekti máselelerdi talqylaý ekenin atap ótti.
Depýtattarǵa Qazaqstandaǵy farmasevtıka naryǵynda 80-nen astam otandyq óndirýshiniń bar ekeni, onyń jartysynan azy dárilik zattar óndirýmen aınalysatyny aıtyldy. Jalpy, otandyq farmasevtıka salasyndaǵy kásipkerler 900-ge jýyq dárilik zattar men myńnan astam medısınalyq buıym shyǵaratyny belgili boldy.
«Bul kezdesýdiń negizgi mindeti – halyqty qaýipsiz, tıimdi jáne sapaly dárilik zattarmen, medısınalyq buıymdarmen qamtamasyz etýdegi ózekti máselelerdi talqylaý, sondaı-aq otandyq farmasevtıka salasynyń aǵymdaǵy jaı-kúıimen jáne óndiris barysymen tanysý edi. Búgingi talqylaýdyń nátıjesi aldaǵy dóńgelek ústelge daıyndyq kezinde eskeriletin bolady, bul halyqty sapaly medısınalyq preparattarmen jáne buıymdarmen qamtamasyz etýde neǵurlym tıimdi sharalar ázirleýge múmkindik beredi», dedi senator Nurtóre Júsip.
