Foto: Aqorda
Kórmege altynnan jasalǵan arheologııalyq tarıhı jádigerler, sonyń ishinde basty eksponat retinde Esik qorǵanynan tabylǵan «Altyn adamnyń» rekonstrýksııalanǵan kıimi men qarý-jaraǵy qoıylǵan.
Eki el prezıdentteri Qazaqstan men Koreıanyń tanymal mádenıet qaıratkerleriniń, óner ujymdarynyń konsertin tamashalady
Baǵdarlama aıasynda shetel kompozıtorlarynyń týyndylary, álemge áıgili operalardan úzindiler oryndaldy. Sonymen qatar birneshe horeografııalyq kompozısııa usynyldy.
Konsertte jeke oryndaýshylarmen qatar, «Astana opera» memlekettik opera jáne balet teatry men Memlekettik respýblıkalyq koreı mýzykalyq komedııa teatrynyń ártisteri, «Birlik», Korean Culture Leaders ansamblderi óner kórsetti.
Keshti Koreıa resmı delegasııasynyń ókilderi jáne elimizdegi etnomádenı birlestikterdiń músheleri de tamashalady.
