Nazgúl NIS-ti úzdik aıaqtap, Nazarbaev ýnıversıtetinde bıologııa mamandyǵyna túsken. Onda sapaly bilim aldy. Al magıstratýrany Fransııanyń Parıj-Sakle zertteý ýnıversıtetinde oqydy. Qazir oqýmen qatar Germanııadaǵy Eýropalyq molekýlalyq bıologııa zerthanasynda ǵylymı qyzmetpen aınalysady. Bes jyldan beri antıbıotıkterge tózimdilik salasynda ǵylymı zertteý júrgizip keledi.
– Keıingi 30 jylda jańa antıbıotıkterdi tabý baıaýlap, kerisinshe, olarǵa degen bakterııalardyń tózimdigi qarqyndy ósti. Nátıjesinde, 2019 jyly qoldanystaǵy antıbıotıkterdiń álsizdiginen 1 mıllıonnan astam adam qaıtys boldy. Oǵan qosa, bir antıbıotıkke bakterııanyń tózimdiligi basqa antıbıotıkterge de ulǵaıǵan tózimdiligine aparyp, odan saıyn máseleni ýshyqtyrady. Sebebi emge qoldanylatyn antıbıotıkter sany azaıady. Bir ǵajaby, dál sol bir antıbıotıkke bakterııanyń tózimdiligi basqasha, – deıdi jas ǵalym.
Bul ádistiń aty – «hımııalyq genetıka». Ǵalymnyń aıtýynsha, óte júıeli, jyldam ári aýqymdy. Erekshe ádis burynǵydan 6 ese kóp jańa antıbıotık juptaryn áleýetti em retinde usynady. Sonymen qatar antıbıotık juptaryna bakterııa keıde tózimdi, al keıde nege sezimtal bolatynyn genetıkalyq turǵyda anyqtalǵan. Jańa ádispen belgili mehanızmderdi rastap, jańalaryn ashty. Osy izdenis bolashaqta adam ómirin saqtap, ǵalamǵa paıdasyn ákelmek.
