Foto: massaget.kz
Astyq tıeý kezinde jumys ornynda jazataıym oqıǵa boldy. Tótenshe jaǵdaı oryn alǵan jerge jedel járdem shaqyryldy.
«Dárigerler jarany alǵashqy hırýrgııalyq óńdeýden ótkizdi, bilezik býynynyń dińgegin qalyptastyrdy, travmatıkalyq shokty toqtatty. Qazirgi ýaqytta naýqastyń jaǵdaıy turaqty, ortasha aýyrlyqta», dep habarlady Densaýlyq saqtaý basqarmasynyń baspasóz qyzmeti.
Oqıǵa týraly eńbek ınspeksııasyna habarlandy. Sondaı-aq atalǵan fakti sotqa deıingi tergep-tekserýdiń biryńǵaı tizilimine eńbek qaýipsizdigi erejelerin buzý, saldarynan abaısyzda densaýlyqqa aýyr zııan keltirý faktisi boıynsha tirkeldi.
Bul sońǵy aptada tirkelgen ekinshi jumys ornyndaǵy jazataıym oqıǵa. Polıseıler óndiris alańynda topyraq basyp qalǵan 22 jastaǵy Petropavl turǵynynyń ólimine qatysty tergeý júrgizip jatyr. Dárigerlerdiń aıtýynsha, jábirlenýshi ota kezinde kóz jumdy.
