Sport • 18 Maýsym, 2024

Fýtbol: Derek pen dáıek

120 ret

kórsetildi

3 mın

oqý úshin

Eýropa chempıonatynyń tusaýkeser básekeleri buǵan deıin mynadaı eseptermen aıaqtalǵan edi: 1960 jyl: Fransııa – Iýgoslavııa 4:5, 1964 jyl: Ispanııa - Majarstan 2:1 (qosymsha ýaqyt), 1964 jyl: Italııa – KSRO 0:0, 1972 jyl: Belgııa – GFR 1:2, 1976 jyl: Chehoslovakııa – Nıderland 3:1 (qosymsha ýaqyt) pen Iýgoslavııa – GFR 2:4 (qosymsha ýaqyt), 1980 jyl: Chehoslovakııa – GFR 0:1, 1984 jyl: Fransııa – Danııa 1:0, 1988 jyl: FRG – Italııa 1:1, 1992 jyl: Shvesııa – Fransııa 1:1, 1996 jyl: Anglııa – Shveısarııa 1:1, 2000 jyl: Belgııa – Shvesııa 2:1, 2004 jyl: Portýgalııa – Grekııa 1:2, 2008 jyl: Shveısarııa – Chehııa 0:1, 2012 jyl: Polsha – Grekııa 1:1. 2016 jyl: Fransııa – Rýmynııa 2:1 jáne 2020 jyl: Túrkııa – Italııa 0:3.

Ǵalym SÚLEIMEN

Foto: news.sportbox.ru

«Eýro-2024» týrnıriniń tusaýkeser kezdesýinde Germanııa quramasynyń jartylaı qorǵaýshysy Tonı Kross áriptesterine 102 ret pas berdi. Sonyń 101-i olarǵa dál jetti. Bul – 99 paıyzdyq kórsetkish! Sóıtip, 1980 jyldan bergi kezeńdi esepke alsaq, sol ýaqyttan beri ótip jatqan qart qurlyqtyń basty dop dodasynyń jańa rekordtyq kórsetkishi tirkeldi.

Atalǵan jarysta óner kórsetetin eń jas fýtbolshylardyń tizimin Lamın Iаmal bastap tur. Ispanııanyń ulttyq quramasy men «Barselonanyń» vıngeri 13 shildede 17 jasqa tolady. Sodan keıingi oryndarda – Leo Zaýer (Slovakııa, «Feınoord») men Varren Zaır-Emerrı (Fransııa, PSJ). Olardyń ekeýi de 17 jastaǵy jas juldyzdar.

Germanııada ótip jatqan týrnırdegi ardager oıynshylardyń aldyńǵy leginde Pepe tur. Portýgalııa quramasy men «Portý» klýby qorǵaýshysynyń jasy 41-de. Ol 1983 jyldyń 26 aqpanynda týdy. Dál sol memlekettiń maqtanyshy ári álemdik fýtboldyń shoq juldyzy Krıshtıaný Ronaldý men Horvatııanyń marqasqasy Lýka Modrıch 1985 jyldyń týmalary. Ronaldý 5 aqpanda, Modrıch 9 qyrkúıekte dúnıege keldi. 39 jasqa kelse de, jasyl alańda jasyndaı jarqyldap júrgen osyndaı oıynshylardyń ónerine tamsanbaý múmkin emes.

Anglııanyń fýtbol federasııasy otandastary «Eýro-2024» jarysynyń jeńimpazy atanǵan jaǵdaıda komandaǵa 11,3 mıllıon eýro kóleminde bonýs beretinin jarııa etti. Al ulttyq quramanyń bas bapkeri Garet Saýtgeıttiń esepshotyna birden 4,7 mıllıon eýro aýdarylady.