Foto: sportplustv.kz
ÝEFA Chempıondar lıgasyndaǵy tusaýkeser kezdesýin «Ordabasy» Moldovanyń «Petrokýbyna» qarsy ótkizedi. «Hynchesht» dep atalatyn nebári 12,5 myń turǵyny bar qalashyqta irgetasy qalanǵan ujym atalǵan memlekettiń sýperlıgasynda
2015 jyldan beri óner kórsetip keledi. Sol aralyqta el birinshiliginde eki ret kúmis jáne úsh ret qola medaldi ıelendi. Byltyr bas júldeni qanjyǵalaryna baılady. Sondaı-aq «Petrokýbtyń» Moldova kýboginiń ıegeri degen ataǵy bar. Alǵashqy oıyn Shymkentte (9 nemese 10 shildede), ekinshisi Hyncheshtte (16 nemese 17 shildede) ótedi.
ÝEFA Eýropa lıgasyndaǵy «Tobyl» Slovakııanyń «Rýjomberogymen» saıysqa túsedi. Olar – óz eliniń 2006 jylǵy chempıony, 2022 jylǵy kúmis jáne 2001, 2004, 2017, 2019 jyldardaǵy qola júldegeri. 2006 jyly Slovakııa kýbogin oljalady. Qostanaılyq klýb birinshi básekeni syrtta, ekinshisin óz alańynda ótkizedi. Konferensııa lıgasyndaǵy «Aqtóbeniń» qarsylasy – «Saraevo». Olar Iýgoslavııa chempıonatyn eki, Bosnııa men Gersegovına birinshiligin bes márte utty. El kýbogi jolyndaǵy dodada jeti ret dara shyqty. Bul oıyndar 11 men 18 shilde kúnderi ótedi dep josparlanyp otyr. Al «Astana» bul týrnırdi ekinshi kezeńnen bastaıdy.
