«Nemis mashınasyn» kim tejeı alady?

• A tobynda 2-týrdy bastaǵan azýly Germanııa quramasy Majarstan fýtbolshylaryn 2:0 esebimen eńserip, pleı-off kezeńine ótýge kúni buryn qamdanyp qoıdy. 22-mınýtta Majarstan quramasynyń qaqpasy aldyndaǵy abyr-sabyrda Ja­mal Mýsıalanyń urymtal tustan shi­rene tepken dobyn majarlyq fýtbol­shylar toıtara alǵan joq. Germanııa quramasyn alǵa shyǵarǵan Mýsıala Eýropa chempıonatyndaǵy ekinshi golyn enshisine jazdy. Birinshi týrda Germanııa quramasy Shotlandııa fýtbolshylaryn 5:1 esebimen jeńgende Mýsıala da bir gol soqqan bolatyn. Jamal – Shtýtgartta týyp, jetkinshek shaǵynda Anglııaǵa qonys aýdaryp, «Chelsıdiń» akademııasynda shyń­­daýdan ótken sańlaq. Tipti Anglııanyń jasóspirimder jastar quramasynda da oınady. 17 jasynda Germanııa ulttyq quramasynyń jeıdesin kıdi. 21 jastaǵy talantty fýtbolshy Almanııa jerindegi alamanda talaıdyń tańdaıyn qaqtyratynyn taǵy bir baıqatty.

Tartysty matchtaǵy ekinshi goldy Germanııa quramasynyń kapıtany, Gelzenkırhenniń túrigi Ilkaı Gúndaǵan enshisine jazdy. 67-mınýtta Maksımılıan Mıttelshtadttyń bergen pasyn Gúndaǵan múlt jibergen joq. Madııarlar baryn salyp shabýyldy óristetkenimen, múmkindikti ońtaıly paıdalana almady.

• Bul toptaǵy kezekti tartys Shot­landııa men Shveısarııa quramalary arasynda órbip, teń tarqasty. Match aldynda Shotlandııa quramasynyń bas bapkeri Stıv Klark qalaıda jeńiske jetip, shotland halqyn qýantamyz dep iri sóılegen edi. 13-mınýtta Maktomıneıdiń soqqysy Shveısarııa quramasynyń oıyn­shysy Fabıan Sherdiń aıaǵyna tıip avtogol tirkeldi. Dese de shotlandyqtardyń qýanyshy uzaqqa sozylǵan joq. 26-mınýtta Shotlandııa quramasynyń qorǵaýshysy Entonı Rellstonnyń qańǵalaqtap júrip qıys tepken pasyn Jerdan Shakırı utymdy paıdalanyp, tarazy basyn teńestirdi.

Bul topta Germanııadan syrt Shveı­sarııa quramasy da pleı-off kezeńine synyq súıem jaqyn tur.

• V tobynyń 2-týr oıynyn Horvatııa men Albanııa quramalary ótkizdi. Match­tyń 11-mınýtynda qorǵaýshy Elseıd Hıýsaıdyń aspandatyp bergen pasyn jartylaı qorǵaýshy Kazım Lası golǵa ulastyryp, Albanııa quramasyn alǵa shyǵarǵan. Albandar basymdyqty 72-mınýtqa deıin ustap turǵanymen, 73-mı­nýtta Andreı Kramarıch tarazy basyn teńestirip ketti. Osy goldan keıin albandardyń saǵyn synyp, taýy sha­ǵylǵandaı áser qaldyrdy. Alańǵa 2-taımda shyqqan Lýka Sýchıchtiń (76-mınýt­ta) tepken doby alban fýtbol­shysynyń (Klaýs Gıasýlıa) aıaǵyna tıip avtogol tir­keldi. Ekinshi taımnyń negizgi ýaqytyna bas qazy 6 mınýt qosqan. Avtogol soqqan aıybyn jýǵan Klaýs Gıasýlıa 94-mınýtta Albanııa quramasyn kezekti jeńilisten qutqardy, esep: 2:2.